طلب تسعير BYD 2008 ؟
 

يا جماعة الخير
معروض عالية عربية BYD 2008
و الباييع طالب 55 ألف
أنا حاسس إن الرقم كبير أوي هيخلن أسرف نظر عن العربية ده خالص
يا رت حد يئل السعر المفروض يبا في حدود كام لالموديل دة
العربية بحالة جيدة جداً
و يا ريت لو موديل 2007 برد حالة جيدة تبئة بكام
شكراً جزيلاً

رد: طلب تسعير BYD 2008 ؟
 

ربنا يوفقك ان شاء الله
اما بخصوص السعر فالعربية ده اللى بيخلى صاحبها يتحكم فى سعرها هو ندرة المعروض منها والحقيقة جودتها
اما بخصوص موديل 2008 انا كنت فاصل واحد لحد 46500 وكنت خلاص هشترى هههههه لكن صاحب المعرض عمل حركة مش حلوة قفل تليفونه وبعدين قالى ده اتباعت وبعدين لقتها معروضة تانى بس المرة ده بكاااااااام !!!!!
53500
يعنى لو قدرنا نقول حضرتك تاخد الرقم الوسط بينهم يعنى مثلا 50 او 51
ولو حضرتك مقتنع بيها وهتقدر تدفع المبلغ اتوكل على الله بعد الاستخارة طبعا

رد: طلب تسعير BYD 2008 ؟
 

شكراً أستاذ أشرف
دة لو كدا يبئة كويس . دة أنا هدفع ٢٥% و البائي على سنتين
أعتقد كدا كويس
ولا إنت شايف موضوع تقسيط المستعمل دة فيه إنا
؟؟
و لو تنصحني بحاجة تانية في نفس الرنج
يبئة جزاك الله خير

رد: طلب تسعير BYD 2008 ؟
 

أنا أسف أصدي هدفع ٥٠% مقدم

رد: طلب تسعير BYD 2008 ؟
 

الشكر لله استاذ رامى ربنا يبارك لك فيها ان شاء الله
مش موضوع انا ولا حاجة وبعدين انت محدش هيغصبك على حالة عربية انت مش راضى عنها
اكشف براحتك مرة واتنين وتلاتة وشوف الاجماع على العربية سلبى ولا ايجابى
اما بخصوص تقسيط المستعمل مفيش اى مشكلة بس ممكن اعرف ده تقسيط مباشر ولا معرض ؟؟؟
اخير انا مقدرش ارشح لك حاجة تانى ببساطة لسببين
الاول انا خبرتى يا دوب كام شهر فى العربيات بس بحب اقرأ كتير فى النت وبسأل كتير وعقبال ما ربنا يهديك للى فيه الخير انا لسه شارى بى واى دى من يومين مستعملة موديل 2007 بصراحة عربية فخمة جدا جدا جدا مقارنتا طبعا بأول عربية ليا 128 ههههههه ومش هقدر اتكلم كتير عنها لانى بقولك من يومين بس بجد عربية عفية فى المشى اوووووى وفخمة بدرجة ممتازة
ثانيا سبب عدم ترشيحى نوع اخر ان العربيات ازرواق وارتياح نفسى بمعنى اقف ادام العربية واقعد فيها من جوة وشوف انت حاسس بأيه ارتحت وحبيتها اشتريها وانت مغمض طبقا للمثل اللى بيقول حبيبك يبلع لك ال........ صح ولا ايه
عن نفسى انا كنت ميال بنسبة 90% الى اسبيرانزا 113 كنت هجيبها قسط قلت اجرب واقعد فيها لقيتها مش بالوسع المتوقع واخوك طويل حبتين هههههه صرفت نظر
واتجهت 516 وعاينت اكتر من عربية لقيت بجد عشان حد ينزل فى سعرها هتكون مطحونة
بالصدفة جربت ال بى واى دى والله صدفة نزلت منها قلت مش هشترى غيرها وهستنى مهما حصل
ان شاء الله ربنا ييسر لك الخير ويرزقك ان شاء الله