|
مشكلة غريبة فى الفيرنا
منذ حوالى شهر كان عندى مشكلة فى سيارتى الفيرنا ( موديل 2008 1600 cc )وهو صوت زنة فى الدبرياج وكانت المشكلة فى بلية الدبرياج وتحلت المشكلة والحمد لله ولكن كالعادة ( بعد العودة من عند الميكانيكى ) ظهرت بعض المشاكل الاخرى واللى مش عارف لها اى تفسير زى مثلا عدم استجابة السيارة للتشغيل الا بعد عدة محاولات لتدوير المفتاح فى الكونتاكت خاصة وهى ساخنه ( يعنى لما ببطل وارجع اشغل تانى بعد دقائق بسيطه ) + عدم ثبات العربية فى السير + صوت الموتور اصبح عالى + سحب العربية مش عاجبنى ( مبقاش زى الاول مع انى مغير فلتر الهوا قريب جدا ) والحاجة الغريبة جدا واللى مش فاهم سببها واعتقد ان دا جهل منى ان احيانا وانا ماشى ع الاول او التانى ومش دايس ع الدبرياج بزق دراع النقل الاقيه بيستجيب معايا وبنقل وانا مش حاطط رجلى على الدبرياج خالص ولا حتى لامسه فمش عارف هل دى حاجة غريبة ولا ايه بالظبط ؟؟؟
|
رد: مشكلة غريبة فى الفيرنا
بص انت بتهرج صح يا ريس دى مشكلة خطيرة ممكن تضيع منك العربية ازاى تنقل الغيار من غير دبرياج كدة اكيد فى عيب فى الدبرياج مكان ما الراجل صلحه اول هام لازم تصلح الدبرياج واكيد بقيت المشاكل هتتحل بس صلح الموضوع دا ومتسبش العربية كدا ولا تخرج بيها خالص تركب وتروح للمكانيكى وبس وربنا يكرمك فى تصليحها وهى هيكون عيب فنى بسيط بس لو استمر هيجيب مشاكل كبيرة بالله عليك وامانة تقولى عملت اية
|
رد: مشكلة غريبة فى الفيرنا
اخى فالله المشكله فى طقم الدبرياج اولا الدسك مضغوط عليه وبالتالى تعطى الغيار بدون مشكله ثانيا لا يوجد سحب لانه وكأنك دايس برجلك على بدال الدبرياج وكما قلت لان البليه ضغطه على الدسك وواضح ان العيب فى التركيب يوعوض الله عليك فى المصنعيه وغير الميكانيكى وكل الموضوع انه يعيد تركيب طقم الدبرياج بطريقه مظبوطه والله يوفقك
|
رد: مشكلة غريبة فى الفيرنا
يا خبر ابيض انا مكنتش عارف ان الموضوع دا هيكون كبير كدا انا بكرة ان شاء الله هروح للمكانيكى واشوف الموضوع دا ومتشكر جدا يا جماعة على ردكم وربنا يكرمكم يا رب
|
رد: مشكلة غريبة فى الفيرنا
يا خوما اي منول تنقل من غير دبرياخ بس كل نقله من الخمسه وليها سرعتها
تقدر تنقل من غير مدوس دبرياج والمش مصدق يجرب ينقل التاني بدون دبرياج مابين 10 وال20 كيلو متر |
| الساعة الآن 06:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017