مطلوب معلومات وبيانات ومميزات عن الشروكي بس بدون افتاء
 

ياريت ياجماعه الي يعرف اي حاجة عن الشيروكي موديل 95 98 يعني مميزات عيوب بيانات

و الثبات علي الطريق وشكراptmnlo123per1127

رد: مطلوب معلومات وبيانات ومميزات عن الشروكي بس بدون افتاء
 

الشروكى عربية ممتازة بس خد بال من حاجة الاستابلتى بتاعها مش حلو على الطرق السريعة لذا اول ما تشتريها عرض الكوتشات بتاعتها على فكرة قطع غيارها مش غالية اوى بالنسبة للجراند شروكى

رد: مطلوب معلومات وبيانات ومميزات عن الشروكي بس بدون افتاء
 

بس لو تقدر تدفع 1000جنية كل سنة اركبها 6 سلندر

رد: مطلوب معلومات وبيانات ومميزات عن الشروكي بس بدون افتاء
 

الشيروكي 95 - 97 شكل... و ال98-2001 شكل جديد... و بعدهم ظهرت الليبرتي...

أفضل موديل من 98-2001...

سواء 4 سلندر مانيوال... أو 6 سلندر أوتوماتيك \ مانيوال... نظام التعليق واحد و الثبات واحد...

و بحكم التجربة... لشيروكي 4 سلندلر 2500cc مانيوال - موديل 2000....

العربية ممتازة في الثبات ... بس هتحتاج تتعود على ملفاتها أكتر... لأن العربيات الكبالن بتختلف في زاويتها عن العربيات اللي على كرونة خلفية...

قطع الغيار... لو جبتها أصلي... غالية جدا بس معمرة جدا جدا !!! لو مش أصلي... مش هتقعد معاك و مش هتاخد من العربية الآداء الأمثل بتاعها... و ده سبب أن ناس كتير أوي بيقولوا أن الشيروكي عربية مقرفة و كلها مشاكل و تكاليف...

من ناحية استهلاك البنزين... ال6 سلندر حوووووت بنزين... بينما ال4 أقل بكتير... و خصوصا لو بتهتم بالصيانة و تغيير الزيوت و الفلاتر في المواعيد....

الضريبة... حاول تجيب حاجة موديل 99 - 2000 عشان تبقا استفدت بالشكل الجديد و كمان تبقا عديت ال10 سنين... و بكدا ضريبتك هتكون حوالي 1050 جنيه....

و لو عايز تسأل في حاجة تاني قوللي برضه...

رد: مطلوب معلومات وبيانات ومميزات عن الشروكي بس بدون افتاء
 

راااااائع شكرا يا باشا فعلا معلومات قيمه ومفيدة وفي سؤال تاني
كم سعر مو 98 99 وهل هي اصغر في الشكل من القديم ؟؟