مصر موتورز مجتمع السيارات

السلام عليكم أعضاء نادى ستروين الكرام
من فينا لما جاب عربية ستروين ومسمعش تعليقات سخفية حتى لو كانت عربيته فوق ال 100 الف
اتعودنا طبعا على الفتى بتاع شعبنا الحبيب بس من خلال تجربتا مع العربية عرفنا الفرق واقتنعنا بس هتعمل ايه فى اخواتنا الفتايين وانا قبل كده قرنت بينها وبين عربيتى السابقة الله لايرجعها الكورى
تعالو نناقش الحجج الى بيقلها الناس على عربيتنا بموضوعية رغم ان الى بيتكلم على عربيتك بتلاحظ ان عينو هتتطلع عليها

الشعب المصرى: بيقلك دى ملهاش قطع غيار؟
ستروينى يرد: لا طبعا ليها قطع غيار زى اى عربية والعربيات موجودة وماشية من زمان
الشعب المصرى:بيقلك قطع غيرها اسعارها عليا جدا؟
ستروينى يرد: هى فعلا مرتفعة بنسبة بسيطة فى مقابل انها اكثر عمر والحمد لله مش منتشرة ومفيش حد بيصنعها تحت بير السلم زى الكورى
الشعب المصرى: بيقلك دى عربية كمبيوتر ومعقدة؟
ستروينى يرد: طب دى نقطة فى صف العربية انها بتكنولوجيا حديثة مش كراسى واربع عجلات واقلب
الشعب المصرى: بيقلك مش اى مكنيكى يشتعل فيها؟
ستروينى يرد: لاطبعا اى مكنيكى يشتغل فيها بس مش معقولة اروح لبلية بتاع الفيت واقلو فكك برحتك
الشعب المصرى: بيقلك العربية دى مش منتشرة؟
ستروينى يرد : فعلا لان المصريين فى ثقافتهم بيفضلو الارخص دون النظر الى مستوى الامان فى العربية ونظام التعليق والراحة فى القيادة ومظهر صالون السيارة وعندك مثلا الالمانى والامريكى مظلوم فى بلدنا مقابل ان العربيات السكة الصتاعة الكورية والصينية لم تغزو السوق الاوربى الناس الى فهما بيسومها ال الجنك كار اى الغير مرغوب فيها
الشعب المصرى: يعنى العربية دى معروفة بره؟
ستروينى يرد: اكيد طبعا انت سمعت ان العربيات الستروين بتخش وبتتصدر راليات عالمية لكن عمرك شفت عربية دايو دخلت رالى؟؟

بأختصار الستروين مش اى حد يركبها ونلاحظ مثلا مفيش سباك (مع الاعتذار والاعتزاز بالسباكين) مفيش سباك يركب ستروين لكن يركب كورى مثلا من الاخر هى عربية طبقة معينة زيها زى الالمانى والامريكى
واتمنى اكون عرفت انقل وجهة نظرى ونظركم وياريت القسم بتعنا يبقى اسمو نادى ملاك ستروين

وشكرااا