ضروري - مشكلة في BMW316
 

السلام عليكم ورحمة الله وبركاته
الرجاء من الأعضاء مساعدتي في حل هذه المشكلة ولكم جزيل الشكر .
من إسبوع حصل عندي مشكلة الحرارة إرتفعت بشكل مفاجئ وعديت النص الجو بصراحة كان حر جدا جدا وكنت مشغل طبعا التكيف بشكل مستمر المهم طبعا إنتوا عارفين إني شاطرMADDRIVEفتحت الكبوت وفتحت بعدها الرديتير طبعا ماحدش يقولي إنك غلطان لإني عارف ومش عارف ده حصل إزاي تقريبا كنت مهنج من الحر , خلاصة الموضوع علشان ماطولش عليكم سبت العربية لغاية ماهديت وزوت مايه وطلعت بيها بشوار سخنت تاني المهم موضوع السخونية أتحل بعدها بيوم أدور العربية تدور وتطفي طول ماأنا دايس بنزين ماتطفيش أول ماشيل تطفي روحت للميكانيكي غيري منظم الهواء بواحد مستعمل كان بيطلع دخنة سوده قالي إمشي عليها شوية والدخنة حطروح وإذا مارحتش إرجعلي , روحت بعدها بيومين حطت منظف بخاخات أمريكي إسمه Max44 العربية ماشاء الله بقيت أحسن والدخنة راحت وكل تمام لسه إنبارح بدأت أسمع صوت زنة غريبة كأنه حديد بيحك في حديد بيظهرلما أسند شوية على دواسة الدبرياج سواء والعربية ماشية أو وهي واقفة , معلش ياجماعة أسف على التطويل بس حبيت أقول كل التفاصيل يمكن تفيد في القضية المطروحة على سيادتكم , السادة المستشاريين :23_10_13::018A1D~146::fu n_36_1_39[1]:

رد: ضروري - مشكلة في BMW316
 

منظم الهواء idl ده اسمه ده وظيفته تنظيم الهواء داخل الموتور مع السلنسيه بتاع الموتور ايه الى جابه للدخنه السوده .
الدخنه السوده دى المعروف عنها فى الجهاز الى بعد الفلتر اسمه مش على بالى دلوقتى بوابه الهواء ده المفروض بتفكه تنضفه وتركبه تانى بتروح الدخنه السوده .
الرشاشات اتنظفت ملهاش دعوه بالدخنه السوده لان الرشاشه عيبه الوحدي هوه سحب السياره فى السرعه او غير كده لما يكون مسدود .
الصوت الى انتا بتسمعه مع الدربياج وضحه اكتر لان ليه كذا حاجه ممكن يكون صوت بليه او شخلله او صوت رعشه فى الاواعد بتاعت الموتور حاجات كتير او كرسى النص .
ياريت تشرح بوضوح اكتر عشان نعرف نفيدك وتقبل مرورى .

رد: ضروري - مشكلة في BMW316
 

ازيك يا استاذ عمرو
الى فهمته ان كل المشاكل اختفت عدا الدبرياج يبقى زى ما قال الاستاذ tarbook احتمال تلف فى الاسطوانة او الديسك او البلية
و عموما يفضل متسندش رجلك على الدبرياج لاطالة عمر المجموعة

رد: ضروري - مشكلة في BMW316
 

هوه فعلا تقريبا شكلها كده بوابة الهواء لإن مكانها بعد فلتر الهواء على طول وصورتها علشان أنزلها علشان الكلام يكون واضح ماعرفتش لإن الصورة أبعادها كبيرة , أما بالنسبة لموضوع الدبرياج هوه صوت ونة ممكن يكون أقرب لموضوع البليه ده , وأنا متشكر جدا لحضرتك على مرورك الجميل ده .

رد: ضروري - مشكلة في BMW316
 

ازي حضرتك ياأستاذ أحمد
أنا فعلا بسهى وبكون ساند على دواسة الدبرياج وأنا ماشي كتير , هي الإسطوانة حاجة والديسك ده حاجة تانية , في حاجة إسمها الكلاتش وساعات بشم ريحة حرق كده بس مش دايما لما بكون بنقل كتير وبجري .