ازاى اشترى عربية عليها حظر بيع
 

السلام عليكم
انا عارف يا جماعة انى تقلت عليكم بس مكنتش عارف انى شراء عربية مستعملة متعب كدا
انا استقريت بعد بحث طويل على النت والمنتدى واستشارة الاصحاب على شراء عربية لوجان وكبرت دماغى عن الانوس او النوبيرا او الفيرنا
ودلوقتى قدامى عربية لوجان كاملة عاملة 34000 كم وبصراحة حالتها حلوة والراجل مهتم بيها
المشكلة انه طالب فيها 57000 جنيه ومش عايز ينزل حاجة خالص
المشكلة التانية انه شاريها تقسيط وعليها حظر بيع
هل السعر عالى ولا مش مشكلة الفين او 3 الاف زيادة فى سبيل عربية حلوة
وازى الواحد يشترى العربية وهيه عليها حظر بيع بطريقة صحيحة وسليمة مفيهاش مشاكل

رد: ازاى اشترى عربية عليها حظر بيع
 

هى طريقه واحده انك تنقل اقساط البنك باسمك والبنك هيديك جواب للمرور ترخص بيه السياره باسمك

رد: ازاى اشترى عربية عليها حظر بيع
 

دا انا هاشتريها كاش وصاحب العربية هايخد جزء من الفلوس يسدد بيها اللى عليه ويفك الحظر

رد: ازاى اشترى عربية عليها حظر بيع
 

مفيش مشكله طالما انه هيسدد المبالغ المتبقيه للبنك هيدولوا خطاب للمرور بالترخيص وفك الحظر وهو يعملك توكيل بالبيع لنفسك وللغير فى الشهر العقارى وبالمستندات دى هتروح ترخص العربيه باسمك فى المرور بدون حظر

رد: ازاى اشترى عربية عليها حظر بيع
 

طب وسعر العربية اخباره ايه