كيف تضع تكييف البيت فى السياره
 

شوفوا الاختراع الخطير ده
انتو عارفين التكييف الى بيتحطله ماء او ثلج بتاع البيت بيتباع فى حدود 600 جنيه ,
فكرته عباره عن طرمبه ميه بتسحب الميه من الخزان وبترشها على لباد او سفنج وراء السفنج مروحه بتدفع الهواء على السفنج او الباد فيخرج من الناحيه الثانيه هواء بارد,
لو فكرنا نطبقه فى العربيه طبعا ماينفعش ليه لانه شغال على 220 فولت
يائما نجيب محول من 12 (كهرباء العربيه ) الى 220 فولت
اونعمل الاتى
العدد المستخدمه مفكات ومفاتيح عاديه
الخامات المستخدمه
1-تكييف يعمل بالماء (من الممكن ان تكون المروحه والطرمبه تالفه ) (بودى فقط)
2- مروه طابلوه السياره ( اى نوع )
3- طرمبه المياه (اى نوع )
فيشه للولاعه زى بتاعه الشاحن او البلادوسه
الخطوات
1-نغبر مروحه الهوء الى راكبه فيه لانها 220 ونركب مروحه زى الى موجوده فى الطبلو بتاع العربيه
2- نركب طرمبه الماء بدال الى موجوده فيه
3- نوصل الدائره الكهربائيه
ملحوظات
- طبعا التكييف مالهوش مكان ممكن يتحط فى الكرسى الخلفى
-استعماله هيكون فى الاوقات الحاره وبعد كده هيتحط فى الشنطه
- التكييف ده للعربيات الى ماينفعش يتركب لها تكييف فريون
-طبعا هيتوصل فى فيشه الولاعه
انا لسه ما عملتوش بس بافتح افكار للناس الى بيحب يبقى يطبقه بنفسه
واذا نفع اطالب بحقوق الملكيه الفكريه لانها مش موجوده فى السوق

رد: كيف تضع تكييف البيت فى السياره
 

أولاً : شكراً على إجتهادك فى التفكير
ثانياً : وأنا آسف على ثانياً دى مش كل حاجة ينفع فيها التصميم بصراحة أنا شايف الفكرة غير عملية بالمرة .

رد: كيف تضع تكييف البيت فى السياره
 

مش عمليه من ناحيه التنفيذ او
كفائه التبريد

رد: كيف تضع تكييف البيت فى السياره
 

على فكرة انا عامل الموضوع ده من 2010 فى عربية 128
بس الى نفعنى انى عايش فى اسوان يعنى مفيش رطوبة وكنت بفكر فيه من 2009 لحد ما عملته وحاطط الجهاز ده فى شنطة العربية وشغال معايا زى الفل واحلى حاجة فيه انك بتكون فاتح الزجاج عادى خالص
"يعنى مفيهاش حقوق ملكية ههههههه" عادى يعنى

رد: كيف تضع تكييف البيت فى السياره
 

فكرة ممتازة
بس أجيب تكييف محمول من ابو 600 جنيه و أفتحه اخد المروحة اللى جواه ولا اعمل اه بالظبط
معلش انا مهيس شوية عشان عندى برد