مساعده يا اهل السجاوية
 

و النبى يا جدعان حد يريحنى لان الناس لعبت فى دماغى صح !!
انا عجبانى الساجا جدا ...بس واحد يقولى ابعد عن العربيه الماليزى انا ركبتها و كانت تعبانه و هتيجى تحاول تبيعها مش هتعرف...وتكيفها مع السرعات العاليه ضعيف !!
وناس تقولى اشترى مستعمل لانسر !!
انا فكرتى عن المستعمل انه حاجه بمفاجات انت مش عارف ايه اللى ممكن يطلع منها لانها مشيت قبل كده مش اقل من 80000 كم؟؟
انا محتاج مساعدة حد ركب العربيه دى و ركب حاجه تانية و يعرف يفرق ؟
دى اول عربيه لى و مش عايز البس !!!!

رد: مساعده يا اهل السجاوية
 

طالما هتدى ودنك للناس يبقى مش هتجيب حتى المرسيدس هتلاقى حد يقولك لاة بلاش اصلها بتعوم على سرعة 600 وانت طالع اصلى مش عارف ماتورها السنة دى صوتة بعد العشرين ار ام بى هتلاقية عالى اصلى التكييف مبيجمدش الفراخ اللى جايبها من السوق حوارات والله لكن طبعا فى اراء مهمة فى العربيات عن تجربة الاعضاء وطبعا الواحد لازم ياخد المشورة بس فى حاجات تاخد بيها وحاجات لاة حسب احتياجك
يعنى انا معايا فيرنا 1600 2007
قبل ما اشترى اسل ناس تقولى بتعوم على 140 اخرها او 130 بتبتدى تعوم الكلام دا صح على فكرة بس مش قوى يعنى ممكن تحكم فيها برضة بنسبة 65% فوق ال140 كم
وبرضة خفف فى الملفات وسرع فى الطريق المستقيم طب اساسا بقى فى مصر اية الطريق اللى ممكن تمشى علية فوق 140 عشان العربية تعوم بعدها دا اساسا الطريق الصحراوى كلة زلط وقرف ومطباط هوا كتييييييييييييييييييييييي ييير يعنى اخرى 120 واساسا قولت لنفسى السرعة غلط وحياة ناس والعربية برضة حرام تضيع اتفقت مع نفسى انى مذودش عن 120 شوفت بقى حلتها مع نفسى ازاى مع انى عارف انى الناس مش بتحب الفيرنا يا صاحبى حب عربيتك واستمتع بيها وسيبك من الحاجات الاوفر دى صوت ماتورها ولا بتعوم ولا ولا كل دا مش هيحصل الا بالسرعة اللى فوق 140 يعنى الساجا حلوة
ولو مقتنع بيها توكل على الله لانى كل عربية فيها الحلو والوحش حب الحلو وتعامل مع الوحش بطريقتك
اهم ملحوظة
اى عربية مهما كانت عيوبها ومشاكلها وتكون جديدة زيرو افضل مليون مرة من اى اى عربية ولو كانت bmw
مستعملة ابعد البعد التام التام عن المستعمل واسال مجرب مش مهم تجيب انهى عربية هات اللى نفسك فية لكن جديد مستعمل هتلعن اليوم الللى جبتها وخسارة فلوسك فيها وانت حر
وعامتا الساجا عربية ممتازة سحب تمام وثبات يعتبر جيد معقولة يعنى فى الثبات مش وحش ممكن صوت الماتور عالى سنة بس مع السرعات يعنى السلانسية عادى جدا الفرامل جيدة وممكن تكون جيدة جدا كمان وربنا يباركلك فيها معلش طولت بس يا رب تكون استفدت

رد: مساعده يا اهل السجاوية
 

أخي العزيز
البروتون ساجا عربيه نضيفه جداً وعمليه للي عايز عربيه تسنده في مشقات الحياه
لكن بصراحه قطع الغيار غالية شوية
لكن مثلاً مش أغلى من الرينو

رد: مساعده يا اهل السجاوية
 

memodina كلامك عين العقل شكرا يا باشا انا هتوكل على الله :THUMBS~220:

رد: مساعده يا اهل السجاوية
 

مشكلة البروتون فعلاً فى سعر إعادة البيع و ذلك بسبب عدم دراية الكثيرين بيها ... خلاف ذلك حدث و لاحرج فالعربية (بسم الله ما شاء الله) ممتازة و تحس إنك إشتريت حاجة تستاهل الفلوس اللى دفعتها فيها
وكمان أنا ليا ملحوظة: مبلغ الساجا الزيرو هيجيبلك لانسر حالتها مش كويسة و ياعالم حصلها إيه و مشيت على كام و صاحبها كان بيسوقها إزاى ... الزيرو زيرو برضه و كفاية ريحة الفابريكة
بصراحة لو هتشترى مستعمل يبقى الرخيص: 127 أو 128 و هكذا إنما أنا بصراحة ضد مبدأ إنى أشترى عربية ب 70 ألف و ماشية 70 ألف و أقولك أصلها ماركة كذا لإنها أول ما تفتح بقها هأكرها و مش هأطيق أبصلها ... طب ليه من الأول؟!...