التيل الخلفي وقع وانا ماشي
 

السادة الزملاء تحية طيبة

هذه اول مشاركة لي في منتداكم العظيم

وحبيت اشارك معاكم بموضوع حصل معي وانا ماشي علي الدائري وبسرعة
وطبعا كنت هاروح فيها وانا وعربيتي (لانسر 91 عيون صفية)

بداية الحكاية انا كنت ماشي بسرعة حوالي 90 كيلو متر وفجاة كده وبدون اي مقدمات احدي العجلات الخلفية فرملت لوحدها وطبعا تخيلوا لو انت بتجري بسرعة وفجأة فرملت تفتكروا اي اللي يحصل للي وراك ولازق فيك طبعا الحمد لله اللي ورايا فرمل بسرعة ولحق نفسه وحصل خير ومفيش اي اصابات

طبعا انا استغربت ايه الللي حصل ابص تحت العربية مفيش حاجة

ولا العربية مش عايزة تمشي ومفرملة

ربنا الهمني ورجعة عجلة لورا وطلعتة تاني للامام العربية اتحركت وانا سامع صوت تكسير في العجلة الخلفية

طبعا كل ده وانا عايز اركن علي اليمين علشان اشوف ايه الحكاية بالظبط

ركنت واللي فهمته ان مفيش فرامل ولمبة فرامل اليد منورة زي الفل قلت اكيد التيل حصل فيه حاجه

انا كنت عند واحد صاحبي بتاع تيل وقالي انا هاركبلك تيل لازق خدمة مني
عموما علشان ماطولش عليكم

انا كاتب المشاركة دي علشان الافادة فقط

طبعا تيل بالبرشام امن 100 مرة عن التيل اللزق

المهم اعمل علشان اروح بالعربية

ياريت كل واحد يقول اعمل ايه علشان لو في زميل قابله الموقف ده يتصرف ازاي

طبعا انا عملت حل كده ومشيت بالعربية بس كتير ممكن مايعرفش يتصرف وانا هاقول الحل للافادة

رد: التيل الخلفي وقع وانا ماشي
 

حقيقي شكرا لكلامك انا هروح اتمم علي فرامل اليد والتيل الخلفي لاني بسافر كتير وعمري ماشفته ولا سالت فيه ربنا يسترها معانا كلنا شكرا للنصيحة

رد: التيل الخلفي وقع وانا ماشي
 

الف شكر على النصيحة وربنا يسترها معانا جميعا ........

رد: التيل الخلفي وقع وانا ماشي
 

طيب ياريت تقولنا ايه الحل اللى عملته

رد: التيل الخلفي وقع وانا ماشي
 

السلام عليكم ورحمة الله وبركاته

الي كل اعضاء المنتدي العظيم
انا حبيت اشارك والله يعلم فقط للاجر والثواب والاستفادة

بداية طبعا في ناس متعرفش ان ممكن اني الغي فرملة احدي العجل اي بمنع الزيت الباكم من الوصول اليها

وهوا ده اللي انا عملته
طبعا لما التيل وقع وكان يوم السبت ومساءا يعني مفيش ميكانيكي فاتح وكمان تاني يوم الاحد اجازة
فكان الحل


اني لاغيت الزيت الباكم الي رايح للعجلة اللي فيها مشكلة وذلك بعد فك الصامولة اللي رايحة لمستر العجلة ووضع مسمار وربط الصامولة مرة اخري

وبذلك منعت الزيت الباكم من الوصول للماستر الخاص بالعجلة وطبعا ده حل المشكلة
وماكدبش عليكم اني مشيت بيها كده لاخر الاسبوع لعدم الفضي وانشغالي
والصورة المرفقة توضح مكان الصامولة اللي ممكن تفكها وتحط مسمار شيشه (بشرط مايكونش صغير عشان مايجريش مع الزيت)

عموما دي اول مشاركة ليا واسف علي عدم الصياغة الصحيحة

وانشاء الله المرة القادمة اكون احسن في الشرح