محتاج مشورتكم ، أبيع البطارية (كلورايد TD 70 سائلة ) ولا أخليها و لو بعتها تجيب كام
 

السلام عليكم و رحمة الله و بركاته ،


أنا إن شاء الله هستلم عربية أوتوماتيك BYD F3 الإسبوع دة ، و العربية فيها بطارية كلورايد TD 70 سائلة ، أنا كنت بفكر أشلها و أحط وحدة جافة ، محتاج رايكو في الأتي :


1- لو بعتها تجيب كام ؟


2- أنا معايا عربية تانية (سوزوكي التو 800 CC ) داخلة على 3 سنين و البطارية اللي فيها مفيهاش مشاكل لحد دلوقتي بس أكيد ممكن تشاور عقلها بحسب العمر الإفتراضي ، السؤال هنا :

• هل أخلي البطارية الكلورايد و أبقى أحطها في السوزوكي لما البطارية اللي فيها تودع ؟

• مع العلم إن البطارية اللي في السوزوكي 55 أمبير على ما أعتقد مش عارف إذا كان ينفع أحط واحدة 70 أمبير ولا لأ ،

• و كمان هل كلورايد ينفع أخذنها بعد ما إتحطت في العربية ال F3 ؟

• و لو ينفع، أخذنها ازاي ؟

أنا أسف على الإطالة

رد: محتاج مشورتكم ، أبيع البطارية (كلورايد TD 70 سائلة ) ولا أخليها و لو بعتها تجيب كام
 

حلك العملى كالاتى
تسيب كل حاجة مكانها الى ان تتلف بطارية السوزوكى
تنقل بتاعة الى واى دى مكانها
تجيب بطارية جافة لل بى واى دى

رد: محتاج مشورتكم ، أبيع البطارية (كلورايد TD 70 سائلة ) ولا أخليها و لو بعتها تجيب كام
 

+ 11111

خلي الكلورايد في البي واي دي زي ما هي .. على الأقل لغاية صيانة الألف .. وبعد كدة يا أما تحطها في السوزوكي يا أما تستنى لما تجيب أخرها وتنقل الكلورايد فيها (وده الرأي الأرجح) .. وبعد كدة تجيب جافة وتحطها في البي واي دي .

ملحوظة : العربيات الحديثة اللي فيها انجكشن وحساسات (اللي فيها وحدة كونترول) والأوتوماتيك منها بالذات .. البطارية بتلعب دور كبير فيها عكس العربيات القديمة (الكربراتير) .