مصر موتورز مجتمع السيارات - *** و لا استغلال التوكيلات -شكرا احمد كار ***

كان صديقي العزيز احمد كار حكايلي كتير

عن م / محمد بيومي ،،

هوا مهندس كان شغال في غبور و فتح زي ورشة صغيره كده خاصه في مدينة نصر

و متخصص في الهيونداي و واخد كورسات في الموتور الشهير الفا 2 ، 1600 سي سي

المستخدم في الفيرنا و الماتريكس و الالنترا القديمة و الجيتز و الكوبيه و السيراتو 2007

بس انا الصراحه من النوع الساذج شويه الملتزم بالتوكيل

المهم انا خلصت 40 الف و الضمان 50 الف / سنتين

فقلت اروحله اشيك علي العربية عشان لو فيه اي حاجة الحق اغيرها في الضمان

اللي عمال ادفعله صيانات ده

المهم انا كده كده عارف مكانه لانه في شارع مصطفي النحاس في مدينة نصر

انا كنت ناوي اروح مع ابو حميد بس قولت علي ايه ازعجه و خصوصا اني عارف انه مشغول باحداث سعيده

مانا عارف مكانه اعدي عليه

هوا ميبانشي ورشه قوي لانه محل كاوتش باسم كارتك

http://up.arab-x.com/uploads/images/...1f5d892f5a.jpg

قمت معدي عليه و انا رايح الشغل

سالت عليه و عرفته اني من طرف احمد كار بتاع الفيرنا الفيراني و حسام حمدي بتاع الفيرنا السودا ( صديق عزيز اخر )

طب طلباتك بتشتكي من ايه

قلتله لا مفيش حاجة الحمد لله بس عايز اشيك علي العربية عشان كذا و كذا

قالي تحت امرك

المهم

قاس السوائل و الزيوت عشان يتاكد ان مفيش حاجة بتنقص

قاس شحن البطارية و زودها مياه

بص علي العفشه كله تمام الحمد لله

عمل كشف كمبيوتر عالعربيه عشان يتاكد ان مفيش مشاكل في الحساسات

في الاخر ،، اامرني يا باشا ،،

قالي مش عارف اقولك ايه اي حاجة ،لازم تقول

20 جنية

طلعت الفلوس من جيبي شوية فكة كانوا 15 جنية

قالي خلاص و الله مانا واخد غيرهم

قلتله يا عم معايا فلوس و مينفعشي كده بس هوا صمم و قالي انا حلفت

و الجميل ان الموضوع خلص كله في نص ساعه من غير عطله و لا حجز و لا دب مشوار

قلت بالمرة اساله علي فتيس الفيرنا الاوتوماتيك

عشان انا موغوش من كلام الناس

فالمهم قالي مين قالك كده الفتيس ده معمر و مالهوش مشاكل و عمره الافتراضي مش اقل من 200 الف كم و يعيش اكتر

مبيبوظشي غير من الصيانة الغلط و اللعب فيه

عموما انا قررت هاعمل بس صيانة الاربعين في التوكيل

و بعد كده التزم معاه لانه واضح انه فاهم شغله و خبره

و طبعا توفير كبييييييييييييييييييييييي ييييير

انا فكرت حتي ادعوه انه يشارك معانا في المنتدي

بس الراجل 24 ساعه في الشارع