مساعدة فى الرداتير
 

السلام عليكم

قمت منذ اسبوع بتغيير مياة الرداتير من مياة عادية الى خضراء عند بتاع الرادتير , وماكنش فية مشكلة فى التبريد خالص , ولا نقص فى المياة , ولكن بعد تغيير المياة بصيت على القربة اليوم لقيتها فاضية خالص مليتها تانى مياة خضراء و خلال تلك الفترة لم تسخن العربية خالص , هل دة طبيعى ان الرداتير بياخد المية كلها اللى فى القربة بعد التغيير اول مرة ولا فى مشكلة خصوصا انى لم اجد اى تسريب
ارجو المساعدة

رد: مساعدة فى الرداتير
 

اولا لا ينصح بالمياه الخضراء بعد طول استخدام للمياه العادية
ثانيا العربية نوعها ايه ؟ لان فى عربيات المفروض ليها صمام لاخذ الهواء من الدورة

رد: مساعدة فى الرداتير
 

زي ما اخونا احمد ما قالك ،،، بيكون ما اخدش الهوا كويس من الراديتير والماتور لما فضى المياه كلها .

بس صحيح يا احمد باشا ، ليه ما ينصحش بايتخدام المياه الخضره بعد العادية ؟

رد: مساعدة فى الرداتير
 

شكرا للمشاركة
اولا هى عربية فورد فيستا موديل 96 وثانيا المية تكون راحت فين وهل سيكون فيه مشكلة , وازاى سحب الهواء من الموتور والريداتير

رد: مساعدة فى الرداتير
 

لازم طبعا تعمل دور أستكشاف للأطمئنان على عدم حدوث مشاكل فى دايرة التبريد

1- الردياتير سليم

2- دفاية التكييف سليمه ( إن وجدت )

3- مفيش تسريب تحت الطلمبه

أو أى مكان آخر فى دايرة التبريد

لما نطمن أولا على عدم وجود تسريب للميه من دورة التبريد

وثبات منسوب المياه فى القربه

تأتى مرحلة أستنزاف الهواء من دورة التبريد

إن وجدت