vacuum testing
 

السلم عليكم
انا مش فاهم بالظبط يعنى ايه vacuum testing
http://www.youtube.com/watch?v=iPwkmN_pPMA
انا عارف ازاى بنعمل اختبار لضغط المحرك
ولكن هذا الاختبار مش عارف ايه فائدته
خدوا بالكم هو وصل خرطوم العداد بخرطوم السرفو بتاع الفرامل

رد: vacuum testing
 

أختبار التخلخل vacuum testing

ببساطه شديده

هو التعرف على قيمة التخلخل الموجود بعد بوابة جسم الخانق عند سرعات محدده للمحرك

ويلاحظ أن التخلخل بيعنى ( ضغط سالب ) negative pressure

وده باين على العداد المستخدم فى قياس التخلخل

فوضع مؤشر العداد ( قبل تحرك أبرة العداد )

واضح أنه على وضع نصف العداد

ولقياس التخلخل فأن مؤشر العداد يتحرك يسارا مع تسليط ضغط سالب عليه

ولقياس الضغط فأن مؤشر العداد يتحرك يمينامع تسليط ضغط موجب عليه

_________________________ ____

نلاحظ أن القائم بالأختبار فى الفيديو بيحدد قيمة التخلخل عند سرعات معينه للمحرك

ومع أختلاف سرعة المكنه بتختلف قيمة التخلخل المقاس على العداد

نعم فهذا واضح

وبالفعل بيتم الحصول على عمل سيرفو الفرامل ودوره المعروف فى دورة الفرامل

من خلال أشارة تخلخل من بعد جسم الخانق ( بوابة المكنه )

رد: vacuum testing
 

الف شكر والله ينو عليك
بس ايه فائدته

رد: vacuum testing
 

طبعا أنت عارف

أنه لتشغيل جزء هندسى معين زى السيرفو بكفاءه عاليه

لازم يكون عندنا نسبة تخلخل معينه

وطبيعى كلما زاد التخلخل زادت كفاءة سيرفو الفرامل

وبالتالى زاد الآداء الفرملى

وبالفعل الآداء الفرملى أحنا محتاجين يكون زياده مع السرعات العاليه للمكنه

لأن المكنه ماهى إلا حمل بيحاول يشد جزء معدنى ( زى بدن السياره )

لو زادت قوة الحمل الخارج من المكنه مع زيادة السرعه

يبقى أنت محتاج حمل فرملى أكبر وأسرع

حينما تحتاج لإيقاف السياره فى أقل مسافه وأسرع وقت

وده تحصل عليه مع زيادة كفاءة السيرفو

أى مع زيادة التخلخل

______________

كل دى أمور تصميميه ( مش أكتر )

للوصول للآداء الأمثل والآمن

رد: vacuum testing
 

ووارد أيضا يكون القائم بالإختبار

بيشيك على قيمة التخلخل الموجود من خلف البوابه عند سرعات

معينه للمكنه

علشان يطمن على أن قيمة التخلخل

لاتوجد بها مشاكل فنيه

وخصوصا مع دايرة السيرفو

نظرا لوجود بلف عدم رجوع non returen valve

على خرطوم الهواء الذاهب من مجمع الهواء لسيرفو الفرامل

( تقدر تقول )

وارد يكون بيشيك على كفاءة خرطوم الهواء نفسه

وبلف عدم الرجوع