عايز اسعر عربيتى
 

السلام عليكم انا اول مشاركة ليا فى مصر موتور وكنت عايز اعرف عربيتى تعمل كام هية ميتسوبيشى كريستالة موديل 1999 بس مظبط فيها شوية حاجات:

1- موتور 1500 2 كامة بتاع الميراج حالته ممتازة إنجكشن.
2- شنطة ميراج نفس لون العربية فابرقة مرشتش ( العربية كلها فابريقة برة وجوة)
3- فوانيس الميراج اصلى خلفى.
4- فوانيس امامية عدسات ورينجات وزينون وشبكة سبور.
5- جنوط سبور 15 وعفشة 14 ميراج ومساعدين جداد KYB اصلى من برة.
6- كراسى جلد عند جينز كار والارضية.
7- عدة صوت كاسيت بايونير فلاشة وسماعتين دبل بيز كينوود وجى ام.
8- فلتر هواء K&N اصلى.

العربية الحمد لله حالتها ممتازة فابريقة برة وجوة ماعدا رفرف امامى ياريت الاخوة اصحاب الخبرة يقولولى ممكن تجيب كام يعنى تقريبا العربية كلها ميراج وطبعا تكييف باور زجاج كهرباء سنتر وانذار ووحدات رفع والحمد لله كل حاجة فيها شغالة واللون سيلفر.

رد: عايز اسعر عربيتى
 

بص يا باشا عربيتك لو مانيوال سعرها من 47 ل50 الف ولو اوتوماتيك من 52 ل54 ده طبعا حسب الكيلو اللى قطعاه العربيه وانا معتقدش ان التعديلات هترفع من تمنها لكنها ممكن تحبب المشترى فى العربيه فيخدها بالسعر اللى انتا عايزه بس طبعا فى حدود المعقول والاسعار اللى انا قولتها دى اسعار العربيات الفبريكه ومفيهاش اى تعديلات او تغيير

رد: عايز اسعر عربيتى
 

مفيش عربيه معمول فيها كل ده وب50 الف ياباشا
العربيه دي اقل واجب 55
اذا كنت انا شاري عربيتي ب50 ومفيهاش الكلام ده كله
هيا بس مش عاوزه تاجر او مشتري عادي
عاوزه اللي يشتريها يكون غاوي او فاهم اللي معمول فيها
العربيات دي ليها زبونها بردو

رد: عايز اسعر عربيتى
 

رد: عايز اسعر عربيتى