|
مساعدة بخصوص الكوبلن فى رينو كليو 1400 موديل 2001
بسم الله الرحمن الرحيم انا عندى رينو كليو موديل 2001 1.4L 16valve كنت من حوالى 9 أشهر غيرت الكبلن اليمين بواحد استيراد علشان الكوتشات الاتنين اتقطعوا و بدأ يطقطق و جبت و احد استيراد ب 450 جنيه بس من حوالى شهر صوت العربية بقى عالى اوى لما بزيد عن 50 كم شكيت فى كذا حاجة الزبت الكوتش بلى العجل لكن شيكت على كل حاجة و مفيش فايدة رحت هبا رفعت العربية على حجرين علىشان اشيل الكواتشات من على الارض و نمت تحتيها و خليت واحد دور و بدأ و ينقل لقيت العجلة اليمين مبتلفش على السلانسية و بتلف لما تبدأ تدى سرعة ففكيت تصفيحة الحماية اللى تحت الموتور و لقيت ان الكاوتش الداخلى بتاع الكبلن اليمين مقطوع خالص و خليته يدور تانى و ينقل و يزود سرعة لقيت الصوت جى من الكبلن زى ما توقعت و لقيت الكبلن بيترعش ---- فياريت حد يقوللى هل اصلح الكبلن ده - يعنى اجيبله كاوتش جديد- و لا اغيره بواحد استيراد و خلاص و ياريت تدلونى على حد كويس الاقى عنده استيراد للرينو و يكون مضمون و ابن حلال |
رد: مساعدة بخصوص الكوبلن فى رينو كليو 1400 موديل 2001
كان المفروض تغير كاوتشة الكبلن الأستيراد
لأن الكاوتش بيتلف مع التخزين السيىء _______________ عموما أمامك خيارين 1- تشترى فردة كبلن جديده بكاوتشه جديده طبعا 2- تشترى فرده أستيراد تانى بشرط تكون حالتها حلوه ولكن تغير كاوتشتها القديمه مع تشحيمها بشحم جديد علشان ميحصلش تانى زى ماحصل فى المره إللى فاتت |
رد: مساعدة بخصوص الكوبلن فى رينو كليو 1400 موديل 2001
شكرا يا استاذى الفاضل على الرد السريع
سؤالين كمان الله يباركلك 1- فردة الكبلن الجديدة تجيلها بكام........؟ .....و منين.....؟ 2- تعرف حد كويس للشغلانة بتاعت الاستيراد و تغيير الكاوتشة و شكرا لتانى مرة |
رد: مساعدة بخصوص الكوبلن فى رينو كليو 1400 موديل 2001
اقتباس:
الجوز الجداد ............يعملوا حوالى 1400 اليومين دول ( تقريبا ) ومن عند أى موزع للبيجو والرينو هتلاقى طلبك بإذن الله اقتباس:
الموضوع سهل جدا الخطا إللى حدث معاك هو كما قلت لحضرتك قبل كده ليس عيبا فى الكبلن الأستيراد ولكن الكاوتشه كانت وحشه فأنقطعت سريعا فلمت رمل وتراب وأختلط بالشحم فباظت الفرده بسرعه ____________ على فكره الراجل إللى إداك الفرده الأستيراد كان مستغل شويه المفروض الجوز الأستيراد بكتيره أوى ب 500 ج إذا الفرده المفروض تبقى 250 ج |
رد: مساعدة بخصوص الكوبلن فى رينو كليو 1400 موديل 2001
انت متأكد ان الجوز الجداد ب 1400 جنيه لو متأكد يا ريت تدل أخوك على واحد كويس و ابن حلال و هل ينفع اشترى فردة واحدة ولا لازم اخد الجوز و لو استيراد متعرفش حد كويس الله يباركلك.... و شكرا لثانى مرة على سرعة ردك |
| الساعة الآن 07:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017