مصر موتورز مجتمع السيارات - مساعدة بخصوص الكوبلن فى رينو كليو 1400 موديل 2001

بسم الله الرحمن الرحيم

انا عندى رينو كليو موديل 2001
1.4L 16valve

كنت من حوالى 9 أشهر غيرت الكبلن اليمين بواحد استيراد علشان الكوتشات الاتنين اتقطعوا و بدأ يطقطق

و جبت و احد استيراد ب 450 جنيه

بس من حوالى شهر صوت العربية بقى عالى اوى لما بزيد عن 50 كم

شكيت فى كذا حاجة

الزبت

الكوتش

بلى العجل

لكن شيكت على كل حاجة و مفيش فايدة

رحت هبا

رفعت العربية على حجرين علىشان اشيل الكواتشات من على الارض

و نمت تحتيها و خليت واحد دور و بدأ و ينقل

لقيت العجلة اليمين مبتلفش على السلانسية و بتلف لما تبدأ تدى سرعة

ففكيت تصفيحة الحماية اللى تحت الموتور و لقيت ان الكاوتش الداخلى بتاع الكبلن اليمين مقطوع خالص

و خليته يدور تانى و ينقل و يزود سرعة لقيت الصوت جى من الكبلن زى ما توقعت و لقيت الكبلن بيترعش

----

فياريت حد يقوللى هل اصلح الكبلن ده - يعنى اجيبله كاوتش جديد- و لا اغيره بواحد استيراد و خلاص

و ياريت تدلونى على حد كويس الاقى عنده استيراد للرينو و يكون مضمون و ابن حلال