مصر موتورز مجتمع السيارات - لو سمحت اوعى تطنش..ممكن ؟

كتير الواحد اسنانه توجعه او يحس بصداع او مغص او جسمه بينشر عليه او او
لكن انك تحس بتقل فى صدرك او اكن فى طوبه او حاجه تقيله بتضغط على صدرك ...
فده مش شىء عادى او بسيط تاخد له مسكن و تدفى صدرك و تشرب حاجه دافيه و خلاص ..لاااااااااااااااااااااا اااا
لو سمحت اوعى تطنش و تكبر دماغك ..لو سمحت امضغ 4 اقراص اسبرين اطفال او 1 اسبرين ريفو بتاع الكبارلو عندك فى البيت و روح اقرب مستشفى و اعمل رسم قلب
من فضلك
لان ممكن ده يكون ذبحه صدريه غير مستقره او جلطه حديثه بالقلب

- بس انا عمرى ما اشتكيت قبل كده ..و لو
- انا لسه فى التلاتينات و بدرى على الكلام ده ..ما عدش خلاص
- بس على فكره بقى انا الدخان ما اعرفش ريحته و لا ضغط ولا سكر ولا حد من اهلى اشتكى من القلب قبل كده .. برضه حتعمل رسم قلب
- طيب حستنى لما فلان ييجى علشان اروح بالعربيه و اللا ابقى اروح بكره الصبح .ممكن تروح عليك فرصه حقنه تدويب الجلطه و ممكن تحتاج تعمل قسطره قلبيه طوارىء
- انتى مش مكبره الموضوع شويه ..لا خالص و عموما مش حتخسر حاجه لو طلع مفيش حاجه و ده يل ريت ادينا عملنا رسم قلب و اتطمنا عليك و لو طلع فى حاجه يبقى الحمد لله ما اتاخرناش
- طيب يعنى لو اتاخرنا حيحصل ايه .. احنا اصلا مش حنطنش

اتفقنا :)