مصر موتورز مجتمع السيارات - والله العظيم زهقت

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - والله العظيم زهقت (https://www.masrmotors.com/vb/showthread.php?t=51067)

والله العظيم زهقت

والله الواحد مبيعرفش يفضفض ويشكى همه غير الى الله اولا والمكان ده ثانيا طبعا معظمكم عارف بموضوع الحادثه اللى كان من 3 اسابيع لعربيتى وانا رايح مقابله اسكندريه والحمدلله عملت العربيه وخدت اللى حلتى كله وكملى عليهم والدى واستلمتها امبارح الساعه 12 الظهر وركنتها تحت البيت والشارع واسع ولسه مكملتش طلوع للشقه وسمعت صوت خبط جامد جدا نزلت تانى لقيت عربيه 128 اخدت الباب الشمال ( باب السائق )فى عربيتى بضهرها ومبقاش نافع وجزء من الباب الخلفى وصاحبها راجل كبير ولا هو هنا طبعا محستش بالدنيا ولا اللى فيها وبأحساس لاشعورى منى رميت الريموت والمفاتيح كلها والرخصه فى الأرض وروحت اصلى الضهر وقولت لعمى ياخدها يرميها فى اى جراج مش عايز اشوفها لحد ماربنا يهدينا واقدر اسيطر على نفسى من تانى واللى شوفته فى الشهر ده مع العربيه مشوفتوش طول السنه ونص اللى قعدت معايا العربيه فيهم وانا اسف انى طولت عليكوا بس حقيقى ملقتش حد اشكيلوا همى غير فى بيتى التانى والحمدلله على كل شىء وحسبى الله ونعم الوكيل وربنا يعوض عليا

رد: والله العظيم زهقت

فعلا حاجه تحرق الدم
بس نرجع ونقول قدر الله وماشاء فعل
والحمد لله انها بتيجى فى العربيه مش فيك
او فى حد يهمك حاول تطلع من اللى انت فيه
وحط فى دماغك ان كل ده بيحصل مع ناس كتير
مش انت بس
محتاج رايك بقى فى الموضوه ده لو تسمح بما انك
راجل خبره مع العربيه من فتره كبيره
http://www.masrmotors.com/vb/showthr...943#post385943

رد: والله العظيم زهقت

لا حول ولا قوة إلا بالله .... قل الحمد لله علي أي حال وربنا يوسع رزقك وتصلحها بس إركنها في جراج أحسن

رد: والله العظيم زهقت

معلش يا باسم قضاء اخف من قضاء ... ربنا يعوض عليك

رد: والله العظيم زهقت

- الحمد لله على كل حال
- والحمد لله انك بخير
- وصدقنى والله اللى يشوف اللى فية الناس يعرف انة فى نعمة كبيرة
- قدر الله وما شاء فعل