الراديو و مشغل الاسطوانات عندى بيطقطق و بيعمل اصوات مزعجة
 

:fun_36_1_26[1]:السلام عليكم
انا اسف مقدما على الاطالة

انا عندى بيجو برستيج 405 موديل 99
فيها راديو كاسيت و سى دى اكستشانجر 6 اسطوانة و طقم سماعات و عدة صوت كلها بيونير

كان كله تمام جدا لدرجة انى فى فرح اختى عملت الزفة بتاعتها بطقم الصوت ده بتاع العربية
و فجأة بدأت أسمع صوت زنة بتعلى و توطى مع صوت المحرك و بعد كدة بقت بتعمل دوشة جامدة حتى لو الموتور مش شغال:crazyW14:
روحت لكهربائى التسجيل ركبلى فلتر صوت و قعد يفك و يركب فى التسجيل و عمل له وصلة أرضى بسلك لوحده على الشاسيه

الدوشة بطلت يوم واحد و رجعت أكتر من الاول
قررت انى ما اروحش للراجل ده تانى و عاوز أفهم ممكن ايه السببو هل لازم أغير الضفيرة بتاعت العربية كلها و يا ترى تمنها كام؟

رد: الراديو و مشغل الاسطوانات عندى بيطقطق و بيعمل اصوات مزعجة
 

طب ايه نوع الدوشة ؟؟
مش عارف .. هل ممكن تحاول توصفها او تسجلها ف فيديو ؟؟
بس عموما جرب تشغل الكاسيت لوحده مع سماعة واحدة ... لو اشتغل جرب تشغل سماعتين .. ثم سنة سنة توصل العده كلها تانى ... بيتهيألى العيب هيبقى واضح ... انما بقى لو مشتغلش الكاسيت و سماعه يبقى جرب سماعه غيرها لو برضه مشتغلش يبقى خلاص ... العيب ف الكاسيت .. توديه لواحد غير الاولانى ده و تقوله الكاسيت باي اعمله تشيك اب على كل حاجة ... و ربنا ييسرلك الامور و طمنا عليك بقى GIFT4UGIFT4U

رد: الراديو و مشغل الاسطوانات عندى بيطقطق و بيعمل اصوات مزعجة
 

غالبا جهاز الراديو والسى دى بلاير سليم

والعيب ده عيب سماعات

هتلاقى سماعه عندك رقها فيه مشكله وبدأت تودع

________________

تقريبا أنت كنت عامل شغل جامد فى الفرح

ومعلى الصوت على البحرى

رد: الراديو و مشغل الاسطوانات عندى بيطقطق و بيعمل اصوات مزعجة
 

انا متشكر جدا يا جماعة على الردود دى و هاعمل زى ما نصحتونى و هابقى ابلغكم بالنتيجة

مع انى مش عارف هافك السماعات ازاى بس ان شاء الله هاتصرف:ff5a34af6efef0e643 e

رد: الراديو و مشغل الاسطوانات عندى بيطقطق و بيعمل اصوات مزعجة
 

ممكن تفصل الكهرباء عن سماعه سماعه

ووقت ماينصلح الحال

هتقدر تحدد السماعه التالفه

إن طلع توقعى سليم