مصر موتورز مجتمع السيارات - انا خلاص قارنت بين سيراتو وكروز واخترت خلااااااااااااااااااااااا ااااااااااااااااااااااااا اااااااااااااااص

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

انا خلاص قارنت بين سيراتو وكروز واخترت خلااااااااااااااااااااااا ااااااااااااااااااااااااا اااااااااااااااص

بعد ما قريت كل المقارنات بين السيراتو والكروز وبعد ماكنت فى حيره كبيره جداااااااااااااااا والنتيجه كالتالى --

1 - كل المقارنات اللى على الورق كانت فى صالح السيراتو بنسبه مريحه بسبب الاوبشن العالى والسعر الكويس -- ولكن اول ماركبت الاتنين النتيجه احتلفت تماما وحسيت بشياكة واناقة الكروز وشكلها الفخم الكلاسيكى المنفرد والعائلى كمان

2 - قررت خلاص اشترى الكروز اول فئة فى الاوتوماتيك بسعر 127340 جميه من التوكيل اللى فى ش جامعة الدول

3 - الحيره اللى انا فيها دلوقتى بسبب اللون محتار فيه وعاوز مساعدتكم

4 - عاوز مساعدنكم كمان لما استلم ااخد بالى من ايه ومن ايه وايه اللى هستلمه مع العربيه

ولكم جزيل الشكر والتقدير

رد: انا خلاص قارنت بين سيراتو وكروز واخترت خلااااااااااااااااااااااا ااااااااااااااااااااااااا اااااااااااااااص

اولا اهنيك علي حسن اختيارك الكروز طبعا افخم واشيك
احلي لونين شفتهم علي الكروز الاسود والاحمر جميييييييييل اكتر من الاسود مش بيبان فية الخرابيش ومش بيلم تراب زي الاسود
ثانيا خد باللك وانت بتشتري من
تجرب التكييف عشان مش حتشغلة الا بعد اول الف كيلو ..جرب الكاسيت والمساحات وكمان الاشارات ...شوف الكوريك والاستبن ..الازاز الكهراباء بتاع الا4 ابواب ..افتح واقفل الابواب عشان لو فية تزييق
بص علي حواف العربية لو فيها خرابيش ولاحظ اي فرق في الصاج (متستغربش ممكن تكون لاقدر الله مخبوطة اثناء نقل العربية للمعرض) عشان كدة لازم تستلم العربية في عز الضهر اوعي تستلمها بليل
متنساش كتيب الضمان بتاع العربية وكمان الكاسيت والكتالوج للاتنين
جربالعربية واسمع صوت الماتور لو فية سلاسة او فية صوت مش طبيعي
اول ماتطلع ظبط ضغط الكاوتش واسالهم علي كام بالظبط
طبعا متنساش الهدايا بتاعة العربية وكمان بتاعتنا ( نبقي ناخد بيها لفة ) ههههههههههههه
مبرووووووووووك مقدما
متنساش دعاء الركوب

بسم الله الحمد لله
( سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ )
الحمد لله، الحمد لله، الحمد لله، الله اكبر، الله اكبر، الله اكبر، سبحانك اللهم إني ظلمت نفسي فاغفر لي،إنه لا يغفر الذنوب إلا أنت"

انا متشكر جدا على نصايحك دى -- بس هو فعلا فيه هدايا مع العربيه ؟؟؟؟

الف مبروك وربنا يبارك لك على فكرة تسليم شيفورلية منصور جامعة الدول ناس حقيقى محترمة جدا وطبعا اللون الفيرانى روعة فيها:playing_music:

أنا من عشاق اللون الفضى