مصر موتورز مجتمع السيارات - العربيه كانت هتتسرق النهارده

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - العربيه كانت هتتسرق النهارده (https://www.masrmotors.com/vb/showthread.php?t=50833)

العربيه كانت هتتسرق النهارده

بسم الله الرحمن الرحيم

النهارده انا كنت فى الجامعه وفضلت فيها مده طويله وكان معايا العربيه بس ركنتها فى الظل وفتحت شويه الازاز...علشان الازاز مايسرطنش...المهم
انا روحت على العصر كده وبعدبن ركنت العربيه ونزلت على العشاء علشان كنت رايح مشوار لقيت الازاز فى الباب اللى قدام يمين متكسر حتت صغيره جدا وكان مرمى بره العربيه مش جواها..وطبعا فتحت العربيه لقيت الرخصه وحافظه الاسطوانات مرمين ولقيت العربيه مقلوبه من جوه خالص..انا مش عارف دلوقتى ياترى الازاز ده وقع لوحده(سرطان) ولا حد كسره!!!!
طب لوحد كسره ايه اللى يخليه يقع بره مايقعش جوه العربيه!!!
طب ايه افضل نوع ممكن اركبه !!1 ويتكلف كام!!!

معلش لو كنت طولت عليكوا..

رد: العربيه كانت هتتسرق النهارده

ممكن يكون حاول يضغط علية لتحت بعتلة فاتكسر لبره

ازاز الابواب بيكون سيكوريت

النوع ده من الازاز بيستحمل الضغط على سطحه

بس مش بيستحمل الضغط على حوافه وبيتكسر بسرعة

إحمد ربنا انه ما سرقش العربية كلها

رد: العربيه كانت هتتسرق النهارده

اقتباس:

المشاركة الأصلية كتبت بواسطة Explorer (المشاركة 384563)

الحمد لله على كل حاجه...بس حكايه انه يحاول يفتحه بعتله دى صعبه شويه..لان كان فى ناس جنبنا كتيروكانت تحت البيت...يعنى الحرامى مش غبى علشان يحاول يسرق العربيه تحت البيت...طب حضرتك متعرفش افضل نوع اجيبه ايه

رد: العربيه كانت هتتسرق النهارده

للأسف انا بره مصر من ٢٠٠٥ ومش هقدر افيدك

استنى حد من الاعضاء في مصر يرد عليك

رد: العربيه كانت هتتسرق النهارده

قدر الله و ماشاء فعل
هو اكيد حد حاول يسرقها
لان زجاج الاجناب مش بيسرطن
ممكن تجيب زجاج دكتور جريش لو ما لقتش زجاج مستعمل استيراد شبه اللي عندك