مصر موتورز مجتمع السيارات - مقارنة بين شيرى A11 و اسبرانزا A516

مقارنة بين شيرى A11 و اسبرانزا A516

السلام عليكم جميعا اخوتى و احبائى
لقد اتيحت لى الفرصة لقيادة معظم السيارات الصينية و منهم الاسبرانزا516 -620-A113 و شيري A11 -A15 و من خبرتي في صيانة هذه السيارات علي مدار 3 سنوات استطيع ان انقل لكم هذه المقارنه المختصرة
طبعا معروف ان السيارتين صنعتهم نفس الشركة و هى شركة شيرى الصينية

ندخل فى المقارنة

* السيارة الاسبرانزا من الداخل كمالياتها افضل بشكل واضح و طبعا شكلها فخم اكثر منA11 و الصالون تقريبا من الداخل نفس الاتساع A11
شنطة A11 اوسع من الاسبرانزا الى حد ما

* عندما بدأت اقود الاسبرانزا وجدت ان سحبها فى الغيار الأول و الثانى اقل بشكل ملحوظ جدا عن A11 يعنى التسارع فى الاسبرانز اقل ربما لأن الاسبرانزا 16 صمام و الموتور 2 كامة
لكن بداية من الغيار الثالث يكون التسارع جيد

* صوت المحرك فى A11 اعلى نسبيا من الاسبرانزا

* كلا السيارتين فى سحبهما فى السرعات العالية جيد جدا
و الثبات فى كلا السيارتين واحد تقريبا و هو جيد جدا

* العفشة فى اسبرانزا ناشفة بشكل واضح مع المطبات و غيرها لكن فى A11 انعم كثيرا

* الغيارات فى A11 انعم من اسبرانزا

* فرامل الاسبرانزا افضل من A11 نسبيا

* البور فى A11 افضل بشكل واضح عن الاسبرانزا

* استهلاك البنزين فى A11 افضل يعنى مثلا انا فى سفرى لاسكندرية عملت فى الصفيحة اى 20 لتر حوالى 300 كيلو على سرعة 95 كيلو و كنت شغلت التكييف لمدة نصف ساعة كمان
لكن الاسبرانزا بتعمل حوالى 280 على الاكثر بنفس المعدل و طريقة القيادة و بدون فتح تكييف

* التكييف فى A11 ممتاز جدا يعنى انا لا استطيع ان اتحمل اكثر من ثالث درجة و لكنى اشغلة اكثر الوقت على درجتين لكن فى الاسبرانزا لم نشغل التكييف لذلك لا اعلم

و اخيرا ارجو ان تنال هذة المقارنة اعجابكم