حد يعرف طريقه صيانه فلتر المياه ال 7 مراحل
حد يعرف طريقة صيانه فلتر المياه ال 7 مراحل و جدول الصيانه بتاعته وايه يتغير الاول وهكذا
|
رد: حد يعرف طريقه صيانه فلتر المياه ال 7 مراحل
عاوز اعمل صيانه للفلتر ابو 7 مراحل حد يعرف ازاى
|
رد: حد يعرف طريقه صيانه فلتر المياه ال 7 مراحل
جدول الصيانة المفروض انك بتعرفه وانت بتشتري على حسب النوع
لكن الغالبية المرحلة الاولى بتغير الفلتر بعد شهر المرحلة الثانية والثالثة بعد 3 شهور باقي المراحل على حسب نوع الفلتر فيه انواع مش بتعمل فيها حاجة وفيه انواع بتغير ال UV كل فترة سنة تقريبا طريقة التغيير سهلة بيكون مع الفلتر مفتاح خاص بيه تفصل المياه تفك مدخل المياه تفتح خنفية الفلتر علشان تنزل المياه اللي فيه تمسك الفلتر كويس وتلف بالمفتاح بتاعه في عكس اتجاه عقارب الساعة تشيل القلب القديم وتركب القلب الجديد وترجع تربط الفلتر تاني وتركب مدخل المياه بس كده الموضوع مش معقد خالص |
رد: حد يعرف طريقه صيانه فلتر المياه ال 7 مراحل
الراجل الفني اللى جه ركبه قال لي انه هيتابع معايا فى الصيانه وفعلا بيتصل بيا علشان يجي يعمل له صيانه وانا مش بحب ادخل حد بيتي ده حتي السباك مش بلجأ له الا فى الشديد القوي
|
رد: حد يعرف طريقه صيانه فلتر المياه ال 7 مراحل
اقتباس:
حضرتك تقدر تقوله مواعيد التغيير ايه ومفتاح الفلتر المفروض انه بيكون عندك مع العلبه بتاعته مفتاح اسود كبير عبارة عن دايره ليها يد مصممه بحيث تمسك الاربع اركان البارزين من جسم المراحل وتعتذر له ان مواعيدك مش مظبوطه لانه يجيلك او ممكن تروح اي شركة بتبيع فلاتر تسألهم عن الفلتر كأنك بتسال علشان تشتري وهما بيقلولوك عليه هيقولوك على مواعيد التغيير لكن زي ما قلتلك المرحلة الاولى بعد شهر الثانية والثالثة بعد 3 شهور لكن المرحلة الاولى بالذاااااااااااااااااات مرتبطة بكمية الشوائب في مياه المنطقة يعني ممكن تتغير على اسبوعين وممكن تركن اكتر من شهرين لو المياه نضيفة او الاستعمال قليل لكن مش اكتر من شهرين لان مسامتها واسعه عن المراحل التانية فممكن تعمل بكتريا فيها |
الساعة الآن 10:01 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017