|
فتيس اكسيل 1500 مو 95 مانيوال
السلام عليكم
عربيتي اكسيل 1500 مو 95 مانيوال 5 غيار عملتلها نص عمره للموتور والحمد لله كويس حاليا ومن قبل العمره يوجد 3 اصوات وحركات 1- صوت والعربيه واقف ومموره زى مثلا تكتكتكتكتكت بس مش عالى اوى وبيروح لما بدوس ع الدبرياج 2- صوت والعربيه ماشيه زى مثلا ور ور ور ور وبيروح لما بدوس دبرياج او امور 3- صوت لما بسيب رجلى من ع البنزين زى مثلا هى هى هى هى هى يوجد خشونة فى تروس النقلات بمعنى بحس بصوت التروس وحركته بين الحارات خصوصا فى الاول والثانى حاليا حاطط زيت 140 وكان قبله 90 ومحستش بقفرق رايي الميكانيكي ان مصدر الاصوات الفتيس ويوجب تغيره لان تصليحه مصاريف ع الفاي وهيرجع تانى وراي 2 عفشجيه هكذا بالزام تغييره ويوجد راى 2 آخرين ان ممكن يحطوا علبة شحم ع الزيت وهيتظبط وآخرين بيقولوا هنغير زيت 140 ونحط زيت سايب اتخن من 140 للتجربه ولو مراحش الصوت والخشونه يبقي لازم تغييره يارب اكون قدرت اوصفلكم حال الفتيس ومشاكله واسف للاطاله ومستني ردودكم القيمه باذن الله وحفظكم الله تعالى ومصر من كل سوء |
رد: فتيس اكسيل 1500 مو 95 مانيوال
في واحد اسمه مصطفى ميكانيكي مواتير
يعني كل حاجه تخص الماتور هو هيفيدك اكتر وهو والورشة اللي جمبه اخوه محمود بتاع العفشة كمان هو شغل الفتيس عموما بيبقى بتاع العفشة هو اللي بيعمله بس شوف مصطفى وهو هيفيدك ان شاء الله و عنوانه بجوار السلاب اللي عند المجزر وانت جاي من عند نادي العمالي وداخل سامية الجميل هتلاقي البرج بتاع رفعت علام قبل السلاب هتدخل من على اليمين وبرضه هتاخد يمين او ما تعدي البرج هتلاقي محلات صنايعيه على ايدك الشمال هتسال على مصطفى هتلاقيه المحل اللي في الوسط وهو محترم وان شاء الله يحللك المشكلة و ابقى قولنا عملت ايه |
رد: فتيس اكسيل 1500 مو 95 مانيوال
جزاكم الله خيرا
المشكله انى كنت روحت لمصطفى ده عشان العمره وعملتها بره هبقي محرج لو روحتله تانى لو تعرف حد متخصص فتيس ياريت تقولى ومتشكر اوى لردكم واهتمامكم الغالى |
رد: فتيس اكسيل 1500 مو 95 مانيوال
للاسف معرفش متخصص فى الفتيس بس و على العمومم لو عرفت ابقى عرفنا و ربنا يوفقك
|
| الساعة الآن 06:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017