بسم الله الرحمن الرحيم

انا دلوقت نزلت دورت ف سوق الجمعة على العربية لقيت ان الناس بتتكلم من 47 ل 57 الف ف العربية دي ده اللي لقيته نضيف ف السوق بس ف الموديل ده

المهم وانا مروح لقينا واحد ف الشروق اللي ساكن فيها عايز يبيعها جت بالصدفة عرفنا انه عاوز يبيع العربية وطلع معرفة سطحية للشخص اللي معايا بيبص على العربية رحنا نشوفها لقيته طالب فيها 55 نهائي ومش راضي ينزل جنيه

العربية معمول لها صيانة بالكامل ومتغير لها جنوط 15 وسيور وزيت ومظبط التكييف والحاجات دي هو اللي بيقول يعني مش هصرف عليها
ومتركب لها كاست وجي ام وسماعات وخلافه من الكماليات دي العربية GLX ومالهاش سبويلر مش عارف ليه مع اني اللي اعرفه ان glx لها سبويلر والله اعلم
انا لسه جديد ودي اول عربية ان شاء الله
العربية شكلها بيقول انها نضيف غير خالص اللي شوفته ف السوق خالص وصاحبها بيروح بيها الشغل ويرجع بيها ومش غاوي لف ودوران بالعربية

فعاوز اعرف هل سعرها ده مناسب ليها ولا غالي والعربية مانول

وعاوز اعرف مركز صيانة او توكيل معتمد ومضمون قريب من الشروق اروح ارفع عنه العربية كمبيوتر ويطلعلي تقرير باللي ف العربية بالكامل واكون عارف فيها ايه

وشكرا