الحل الاكيد لصفره الفرامل بالصور
5 مرفق
كنت قريت كذا موضوع قبل كده عن ناس عندها مشكله في الفرامل وهي لما يجي يدوس فرامل يسمع صفره او حكه وبعد الكشف يتتضح ان التيل سليم ولاكن كل اللي محتاجه شويه نظافه والمشكله دي حسيت بيها من يومين في عربتي الغاليه فقولتلها لا يا حبيبتي مش انت يا غاليه وقمت بعمليه تنظيف للتيل وصورت العمليه عشان كل الاعضاء حبايبي يستفيدو
وبسم الله نبتدي الحكايه اولا :- بنهوي مسامير الفرده وهي علي الارض ملف مرفق 9404 ثانيا :- نرفع العربيه بالكوريك وطبعا كلنا عارفين ازاي وبعدين نفك الفرده ونطلعها عشان نقعد عليها بدل ما نقعد علي الارض ثالثا :- حنلاقي المنظر ده قدامنا بالظبط في معظم العربيات ده لو ماكنش كلها ملف مرفق 9406 رابعا :-حنلاقي عندنا مسمارين حنسينهم مسمار واحد و مسمار 2 زي الصور ملف مرفق 9407 ملف مرفق 9408 |
رد: الحل الاكيد لصفره الفرامل بالصور
الف شكر موضوع رائع
كان مره ميكانيكي حط لي على التيل بودره تلك معرفش ايه فايديتها كان بيقول بتطول عمره |
رد: الحل الاكيد لصفره الفرامل بالصور
سبحان الله انا فعليا كنت بدبر الموضوع ده و التقرير بتاعه اكنك بجد قولت الي هعمله سبحان الله فعلا بس مجهود محترم و تشكر عليه طبعا و تقبل خالص تحياتي عليه بس الموضوع اخره رابعا ؟؟؟ |
رد: الحل الاكيد لصفره الفرامل بالصور
5 مرفق
خامسا :- حنفك المسمار نمره 1
سادسا :- حنفك المسمار 2 وهو عباره عن مسمار بداخل جويط بعمود ملف مرفق 9409 ونشيل المسمار كده ملف مرفق 9410 سابعا :- نرفع جهاز الفرامل لبره او لفوق كده ملف مرفق 9411 ونزق الجهاز لجوه حنلاقيه طلع من مكانه ملف مرفق 9413 ثامنا :- نعلق الجهاز علي ما يسمي العكشه او المساعد بالطنبوره ملف مرفق 9412 تاسعا : نطلع التيل بسحبه للخارج بعيد عن الطنبوره مع مراعاه عدم خلع المشابك الصاح |
رد: الحل الاكيد لصفره الفرامل بالصور
4 مرفق
ملف مرفق 9415
عاشرا :- نكون محضرين صنفره ناعمه وشويه مياه ببريل وفوطه حلوه ناشفه ملف مرفق 9417 احد عشره :- نغسل التيل حلو قوي ونصنفره صنفره خفيفه لحد مانشيل الهباب من عليه وبعدين ننشف التيل حلو قوه ملف مرفق 9416 ملف مرفق 9417 واخيرا نرجع نركب التيل مكانه كويس وتثبيتها بالمشايك كويس لحد ماترجع مكانها تاني وبعدين نرجع الجهاز مكانه ونريط مسمار 1 و 2 كويس قوي ونركب الفرده وننزل الكوريك ونشد عالفرده ونجرب بعون الله حنلاقي الفرامل لو محجره خفت ولا صفره ولا يحزنون وكل ده بسهوله وفي ساعه زمن وببلاش خالص وبعتذر عن الصور لو مش واضحه وقليله بس والله اللي قدرت اعمله |
الساعة الآن 08:42 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017