مصر موتورز مجتمع السيارات
صفحة 1 من 5 1 2345
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى الصيانة العام (https://www.masrmotors.com/vb/forumdisplay.php?f=4)
-   -   اخوكم و حيران و محتاج مساعدة (https://www.masrmotors.com/vb/showthread.php?t=48791)

vilmos 02-03-2011 04:00 PM
اخوكم و حيران و محتاج مساعدة
 

معلش هاطول عليكوا شويا اصلى قصتى طويييييلة اوى

انا عندى عربية فيات 131 عملتلها عمرة متور و فرش سمكرة ودوكو الخخخخخ و كلفتها 9 الف جنية
ما علينا الموتور معدش فيها 3 شهور و توكل على الله باظ سبتها سنة مركونة و قررت
اشدها و كلفنتها 7الف تانى و جبتلها متور جديد مستعمل من عزبة شلبى (الله يخربيتهم جميعا) جبتة ب 2700 جنية مصرى لا غير
و العربية ماعدش غير 15 يوم و خد عندك بقا لقيت المتور من الفايظ دخانة الله ما يوريك ببقا قاعد موش شايف قدامى و بعدين كمان يومين لقيت الفايظ كلة طحينة ( زيت على مية ) و نصحوننى ولاد الحلال (الميكانيكة) انى اعملها عمرة و طبعا لانى لسا دافع دم قلبى فيها قررت انى امشى و اتوكل على الله .... والعربية مقعدش بعدها غير 20 يوم و القيها شغاله على ثلاثة بوجيهات و بتنتش جامد و موش بتدور فققرت انى اغيرها بيجوهات تعود عدد يوم واحد فقط و البيجوهات تبوظ تانى اغيرها تانى تفضل شغالة ليوم واحد و تبوظ تانى فققرت انى اركنها لغايت لما اجيب فلوس و اعملها عمرة ....و قد تحقق هذا الحلم و جبت الفلوس عدد 2500 جنية
المطلوب بقا هل العمرة فى المتور دا هتنفع و لا هاخد بمبة تانى و اولع فيها و انجز و انتحر و اريح دماغى

vilmos 02-03-2011 04:12 PM
رد: اخوكم و حيران و محتاج مساعدة
 
نسيت اقولكم ان عملت للمتور الجديد دا وش سلندر عند الخراط و العيب الطحينة و الدخانة لسا موجود و بقات تشتغل على ثلاثة بيجوهات زى ماقولتلكم فى المشاركة الاولى مع ان العربية بتسخن طبعا
فهل العمرة هاتضيع كل العيوب دى؟؟ و لا

samirayad 02-03-2011 04:48 PM
رد: اخوكم و حيران و محتاج مساعدة
 
حتحتاج وش سلندر بحاله جيده

ويتعمله روديه وتغيير كاوتش صباب

ويتكشف على المكنه أولا من داخلها

قبل الشروع فى تغيير رأس السلندر أو عمل طقم شنبرللبساتم

hyundai2005 02-03-2011 04:56 PM
رد: اخوكم و حيران و محتاج مساعدة
 
والله صعبت عليا بس اسمع كلام البشمهندس سمير هو ده المفيد

vilmos 02-03-2011 04:57 PM
رد: اخوكم و حيران و محتاج مساعدة
 
استاذى العزيز samirayad
انا عملت فعلا كدا و عملتلها كاوتش صباب و فضلت نفس المشكلة
بس لما شوفت الشمايز لقيت فيها عتب
فهل كل المشاكل دى منها ؟؟ و لا فى مشكلة تانى


الساعة الآن 08:16 PM.
صفحة 1 من 5 1 2345
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017