أنا أنوى شراء سياره جديده ، وأمامى العديد من الخيارات ، ومن ضمن هذه الخيارات الأوكتافيا الفانتازيا ، بس فى ناس مخوفانى منها ، وفى ناس بتشكر فيها ، السياره شكلها ولا أروع ، بس أنا معنديش أي فكره عن العربيه ولا عن صيانتها ،ولا عن قطع الغيار ، أنا عندى سيارتين الأولى رينو كليو 2003 ، والثانيه لانسر بوما 2006 ، وطبعا هناك فرق كبيييييير فى كل حاجه بين العربيتين ، اللانسر طبعا تكسب فى كل حاجه من ناحية الثبات ، والأداء ، والصيانه ، وأسعار قطع الغيار ، وعلى فكره ، اللانسر خليجى ، والحمد لله من يوم ما إشتريتها لحد النهاره محتجتش لضمان الوكيل مع العلم أن العربيه عمله 138000 كيلومتر ، بس والحمد لله العربيه أنا محافظ عليها من حيث الموتور والبودي والدواخل فبريقه.
أسف للإطاله ، أرجو من حضرتكم إمدادى بكافة النصائح والمعلومات عن الأوكتافيا ، وعن إمكانية شراء الخليجى منها من عدمه حيث ان الكماليات ف الخليجى أعلى وبأسعار أقل ، وعن صحة الخبر بأن الوكيل بيضمن الخليجى مقابل 5000جنيه ، وعن الصيانه وقطع الغيار ، والأداء ، والعفشه والثبات ، وهل سيكون هناك فارق ملحوظ من حيث الأداء بين اللانسر والاسكودا من حيث التسارع والإستجابه والعزم وخصوصا مع استخدام التكيف ، ووجود عدد من الركاب فى السياره ، مع العلم أنا اللانسر متميزه فى كل ما سبق
أأأأأأأأأسف مره أخرى للإطاله وشكرا للإهتمام

المشاركة الأصلية كتبت بواسطة BASSEM BESO (المشاركة 371077) مع احترامى لحضرتك لايوجد مقارنه نهائى بين الأتنين