|
** حافظ علي رخصة سيارتك لاقصي درجة فقد تكون دليل ملكيتك الوحيدة **
معلومة أنا غير متأكد من مدي صحتها ،، و لكن قلت أنقلها للأخوة الأعضاء بما إننا منتدي سيارات اساسا و الحذر واجب ايضا ،، مصدر المعلومة مشاركة في أحد المنتديات إن مواطن راح يتعامل مع مرور معين فالضابط قاله إن كل الملفات فقدت في الأحداث الأخيرة و لازم كل مواطن يحتفظ برخصة سيارته جيدا لأنها قد تكون الدليل الوحيد علي ملكيتها و الله أعلم |
رد: ** حافظ علي رخصة سيارتك لاقصي درجة فقد تكون دليل ملكيتك الوحيدة **
اقتباس:
|
رد: ** حافظ علي رخصة سيارتك لاقصي درجة فقد تكون دليل ملكيتك الوحيدة **
هذا الكلام سليم الى حد ما فى بعض مكاتب المرور تم حرق المستندات الموجوده بها بالكامل وتم نقل العمل بها الى المكاتب التى لم يصيبها اضرار مثل مرور محرم بك فى الاسكندريه وتم نقله الى مرور ابيس ولكن العمل مستمر عادى وتوجد تسهيلات لتجديد الرخص على الرخصه القديمه اوحتى لومسحوبه بيعملوا رخصه مؤقته أو تصريح تسيير على الايصال......
وانا كنت بجدد الرخصه اليوم هما بيحاولوا يخلصوا الاجراءات بقدر الامكان لكن المشكله فى النظام العقيم الذى لم يتغير وبسببه تحدث التكدسات والزحام على الشبابيك................. ...... يعنى المفروض الانسان يتعامل مع شباك واحد وموظف واحد فقط لكن الذى يحدث انك بتدفع الضريبه عند موظف وتجيب التأمين من مكان تانى يبعد تماما عن هذا الشباك وبعدين تجيب ورق كمبيوتر وملف من كشك اخر وبعد القصه دى تروح للموظف اللى حيستلم منك الورق وطبعا لازم الصول اللى موجود هواللى يجيب لك الدوسيه ويبدأ الموظف بفحص كل الورق ده وياويلك لوورقه ناقصه ترجع من الاول وتستنى تانى لما الموظف يفضى عشان يبص فى الورق مره أخرى ولوكل ده سليم يروح الدوسيه للمراجعه ولو المراجعه تمام تاخد نموزج الكمبيوتر وتروح يطبعوا الرخصه بعد مراجعة النموزج تانى على الكمبيوتر طيب ايه رأيك انى انتظرت حوالى ساعه الاربع علشان النمازج تكمل خمسه لانهم بيطبعوا كل خمس رخص مع بعض . طبعا احنا محتاجين ثوره اداريه بمعنى ان كل ده يتلغى انت تسلم الرخصه القديمه يعملوا كل اجراءاتهم ينادوا عليك تدفع الرسوم المطلوبه وتاخد رخصتك وتتكل على الله . وحتى لو الموظف زودوا مرتبه 10 مرات المواطن هو المستفيد لانك نتيجة التعقيدات دى بتعمل ايه بتشوف واحد فاهم الاجراءات أوعارف السكه يخلص لك كل الهيصه دى والفرق بيحطه فى جيبه يعنى رشوه مقنعه لأ الاحسن من كده زود دخل الموظف واعمل نظام ادارى سليم الكل يستفيد المواطن يوفر وقته والموظف يبذل جهد زياده بس وهو راضى لانه حياخد مقابله . |
رد: ** حافظ علي رخصة سيارتك لاقصي درجة فقد تكون دليل ملكيتك الوحيدة **
ربنا يسترها والله وحده المستعان
|
رد: ** حافظ علي رخصة سيارتك لاقصي درجة فقد تكون دليل ملكيتك الوحيدة **
السلام عليكم نحمدالله تعالى أن الحكومة مدخلة كل المعلومات عن السيارات واصحابها وحتى المداخل اللي دخلت منها(للمستوردة)وللمصنعة محليا وكل صغيرة وكبيرة... الخ عنها ضمن مشروع الحكومة الالكترونية... يعني كل شي محفوظ وموجود في نظم معلومات جهاز شرطة المرور العامة ويتم تحديثه حسب جدول زمني الكترونيا... ومصر بخير وكل شئ بخير وباذن الله تعالى هيتغير كل شي الى الاحسن. ومتنسوش...ثورة الشباب كان سلاحها الفيس بوك. لاداعي للقلق... |
| الساعة الآن 09:23 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017