مصر موتورز مجتمع السيارات - التعريف بخدمة ما بعد البيع

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - التعريف بخدمة ما بعد البيع (https://www.masrmotors.com/vb/showthread.php?t=46822)

التعريف بخدمة ما بعد البيع

خدمة ما بعد البيع تتلخص فى الآتى
توافر قطع الغيار بسهوله كامله
ان تتاح بالسعر المناسب لاصحاب السيارات
التعامل بنوع من الاحترام
عمل اللازم اذا تواجد اى خلل فى عيوب التصنيع
كل ذلك وجدته حينما اتوجه لعمل الصيانه اللازمه لعربيتى
فكل ما اجده هناك هو الاحترام الكامل تجاه العملاء من قبل المهندسين العاملين هناك
كل قطع الغيار متواجده وبسعر مناسب جدا ولم يوجد فرق بينه وبين سعر السوق
عمل التقارير اللازمه لوجود اى خلل بالسياره واستبدال كل الاجزاء التى داخل الضمان وبدون طلب منى
الاول كنت فاكر ان لما اعمل صيانه فى التوكيل انهم هيدبحونى زى ما بنشوف عند منصور او ابو الفتوح او غبور
انما بصراحه اللى وجدته فى توكيل الامل غير فكرتى خالص وخلانى فعلا عزمت ان لو فى اى شئ فى العربيه انا مش هعمل فيها اى حاجه غير فى التوكيل
يتمتع توكيل الامل بليونه ونوع من الرقى فى التعامل مع العملاء
ومن اكثر المهندسين اللذين يجيدون حسن التعامل ويتقنون عملهم بشكل جيد المهندس محمد حسين
انا اتوجه بشكر خاص ليه ول اللواء حسن سليمان
اللذى شاهدت بعينى مواقف عديده تدل على انه انسان محترم بجد
احد المواقف اللتى شاهدتها ان احد العملاء قام بتغيير خراطيم واحد المهندسين قالو انك هتحاسب عليهم
فتوجه ل اللواء حسن فشرح له الامر قال له الخراطيم داخل الضمان ورد اليه ما دفعه للخراطيم
بجد يا جماعه انا عن تجربه شايف ان الامل افضل توكيل فى مصر لما يملكه من فريق عمل ممتاز فى شتى المجالات
انا حتى ظبط الزوايا بعمله فى التوكيل
واتوجه بالشكر للآنسه داليا واللتى تجيد حسن التعامل مع العملاء حين الاتصال بيها لحجز ميعاد الصيانه
وكان دا ملخص لمفهوم خدمة ما بعد البيع

رد: التعريف بخدمة ما بعد البيع

عزيزى أ / تامر

أحترم إلى أقصى حد مبادرتك فى قول كلمة الحق والأنصاف وأشعر بأنك تقولها عن صدق وأقتناع .
ولاشك أن توكيل الأمل قد طور من نفسة وحسن من أدائة وأنة مستمر فى هذا .

وكما نتوجة بالنقد البناء دون تردد والتعليق على أى شئ نجد بة قصور .. وذلك بهدف الأصلاح وليس الهدم
فمن المرؤة .. أن نبادر بالشكر لكل من يستحق الشكر .. بهدف التشجيع على أستمرار كل ما هو جيد

وقد أمرنا الله أن لا نبخس الناس أشيائهم
كما لم يشكر الله من لم يشكر الناس

تحياتى وتقديرى لسيادتك :14369D~149:

رد: التعريف بخدمة ما بعد البيع

استاذ/ تامر
ممكن تحكيلنا عن تجربتك بالتفصيل فى مركز الصيانة ... وانت كنت رايح للصيانة الدورية ولا كان عندك مشاكل معينة فى العربية ؟؟؟
انا عندى صيانة ال 1000 كم قريبا إن شاء الله وكنت عايز استفيد من تجربتك ...
وتقبل تحياتى

رد: التعريف بخدمة ما بعد البيع

اقتباس:

المشاركة الأصلية كتبت بواسطة Abojessy (المشاركة 347455)

وقد أمرنا الله أن لا نبخس الناس أشيائهم
كما لم يشكر الله من لم يشكر الناس

تحياتى وتقديرى لسيادتك :14369D~149:

أستاذى الفاضل ابو جاسى والاستاذ ايهاب
طبعا انا بشكر سيادتكم على مروركم وتعليقكم الأكثر من رائع
بس انا حبيت زى ما فى حاجات بنواجهها مش بتعجبنا وبنعبر عنها. يبقى بردو الحاجات اللى عجبنا المعامله فيها لازم نعبر ونوجه رسالة شكر فيها لكل من تعامل معنا
توضيح انا اى وقت بروح فيه التوكيل سواء كانت صيانه دوريه او غير دوريه
بكل بساطه انا لما بروح وبقولهم على اى شئ مش بيسلمونى العربيه غير لما الحاجه اللى قولت عليها بتتعمل وبيطلع معايا المهندس للتجربه وبيسألنى
هل انت راضى عن هذا الأداء؟ هل هذا كل ما تريده؟
وفعلا بستلم السياره بكل ما نوهت عنه وبلاقى كل شئ اتعمل بشكل ممتاز
وصدقنى اى حد اختار السياره دى فاختياره صائب جدا لان مشاكلها ان وجدت فا بسيطه جدا ومقارنة بأى سياره اخرى من نفس الفئه فا اكيد B Y D هى تحتل المركز الاول وبجداره
بالنسبه لحضرتك يا استاذ ايهاب صيانة ال 1000 فى العباسيه وليس فى القطاميه
هما عملو كدا عشان يخففو العبئ عن مركز القطاميه
اما بالنسبه لباقى الصيانات فا هتعملها بعد كدا فى القطاميه
وقد تحدثت مع اللواء حسن بخصوص ازدحام فرع القطاميه
فقد افادنى ان فى مركزتحت الانشاء فى غمره وسوف يفتح قريبا جدا
وبجد حضرتك هتشوف بنفسك اد ايه الناس دى محترمه
وبشهد للمهندس محمد حسين وبوجه له كل الشكر والاحترام والتقدير على التفانى فى عمله وأسلوبه اللأكثر من ممتاز فى حسن المعامله
ومره تانيه بشكر حضراتكم لمروركم المشرف لصفحتى