|
أوعى تروح توكيل الكويت والبلاد العربية اللى فى الدقى
انا عندى سيارة a113 عملت ليها صيانة الاف الاولى فى العباسية وطلعت العربية زى ما روحت بيها ولا احسن ولا اوحش وصيانة الخمسة تلاف عملتها فى الدقى عند التوكيل اللى اسمه الكويت والبلاد العربية كانت العربية زى الفل قبل ما اروح ليهم اول ما دخلت سالنى المهندس هناك فى مشاكل فى العربية بصراحة كانت المساحة الامامية بيظه محتاجة تربيط على المسامير فقط وسنتر الباب بيعلق قلت اقول ليهم ما هما الصيانه والمفروض يصلحوا الحاجات دى لقات مهندس الصيانة بيكتب اربعين جنية فحص مساحات واربعين جنية فحص سنتر قلتلوا ادفع فلوس فى الصيانة على الحاجات دى وهى مش اتكلفكوا حاجة دى كلها صيانة قالى الفحص باربعين جنية و لو فيها حاجة عاوزة تتغير انغيرها على حسبنا قلت ليه الحاجات دى تافهه اعملها بره بس انتم اتعملوا ايه بالضبط قالى اربط عفشة واكشف على الانوار يعنى ادفع 110 جنية على تربيط عفشة وبص على الانوار ولو العربية فيها حاجة ادفع 40 جنية فحص لكل مشكلة المهم ندمت انى روحت ليهم بس مدام رحت قلتله اعمل الصيانة فقط وملكش دعوة بباقى المشاكل انا اعملها بره بجوز جنيهات المهم بعد ما رجعت علشان اخذ العربية لقيت مصائب
اولا العربية كانت زى الفل قبل ما اروحلهم بيها وبعد ما اتعملها صيانة هناك لقيت الفرملة خفيفة جدآ وبتعمل صوت يعنى كانهم غيروا التيل صوت الموتور عالى جدآ حتى وانا واقف بيها كان الاول مش بسمعلوه صوت وانا واقف بالعربية صوت تصفير لما ادور العربية كانهم لعبوا فى سير الكاتينة ساعة التبلوه كانت مضبوطة لخبطوهها مش عارف ليه الكهرباء بتاعت العربية اتلخبطت يعنى ابتدت تسأف منى وترج منى فى السلنسيه ولما اجيب غيار عالى على سرعة واطية بخبط كده وترج بشكل غريب ومكانتش كده قبل كدة - ابدت تحدف منى وانا ماشى بيها مرة شمال ومرة يمين صوت تكتكه فى العجل استهلاك البنزين بقى اعلى من الاول بصراحة علشان مظلمهمش كان واحد صحبى ساقها قبل كده كتير خليتوا يسوقها قالى لوحتوا من غير ما اكلمه العربية متلخبطة كده ليه والفرملة بقت خفيفة جدآ انت غيرت التيل ولا ايه التوكيل ده ببياخذ الحاجات الاصلية من العربية وبيركب فيها حاجات تانية اى كلام |
رد: أوعى تروح توكيل الكويت والبلاد العربية اللى فى الدقى حرامية وبيسرقوا حاجات من العربية
لخبطة الفرامل نتيجة لخبطة الموتور وارد يكون فى بوجيه عامل كل اللخبطة دى وأكيد مش هايخدو البوجيهات من العربية راجع الببوجيهات فقط ومستنين الرد |
رد: أوعى تروح توكيل الكويت والبلاد العربية اللى فى الدقى حرامية وبيسرقوا حاجات من العربية
اقتباس:
ومتابع معاك الرد |
رد: أوعى تروح توكيل الكويت والبلاد العربية اللى فى الدقى حرامية وبيسرقوا حاجات من العربية
حسبنا الله و نعم الوكيل
|
رد: أوعى تروح توكيل الكويت والبلاد العربية اللى فى الدقى
دى فعلآ مشكلة ازاى نعرف ان التوكيل ما بيبدل قطع الغيار الجديدة بقديمة مثلآ نعرف ازاى ولو عرفنا ازاى نجيب حقنا :thinkW19: التوكيل بيقى مأمن نفسه ومخلى العميل ماضى انه استلم العربية كويسه وحتى لو فيها حاجه ازاى تثبت ان التوكيل هو اللى مبدلها ؟؟؟؟ هو مافيش مراقبة على التوكيلات الا ضميرهم . |
| الساعة الآن 02:55 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017