سؤال عن تركيب الباور لل 128
 

اولا انا حديث العضوية بالموقع واود ان اشكركم واحييكم علي هذا الموقع الكامل ومجهودكم الرائع فى الرد علي الاسئله والاسفسارات واتمنى لكم التوفيق والنجاح.
وسؤالي انا عندى سياره 128 موديل 83 موتور 1100 واود ان اعرف هل يمكن تركيب باور ستيرنج ؟

رد: سؤال عن تركيب الباور لل 128
 

بص انا هقولك حاجة تركب للعربية بور لية اساسا العربية صغيرة جداااا و وزن الموتور خفيف فا معتقدش ان الدركسيون هيبقى تقيل وبعدين انت كدة لو هتحط فلوس يبقى حرام هقولك روح لواحد بتاع عفشة كويش يزيتلك البارات ويشحمهم هما والمقصات مش اكتر واغسل العربية هتبقى معاك زى الفل وربنا يباركلك فيها

رد: سؤال عن تركيب الباور لل 128
 

شكرا علي ردك صديقى العزيز
بس انا لسه مغير علبة دركسيون وبارات والطارة ثقيله جدا جدا جداوصعب اوي ومحتار اعمل ايه بجد مش عارف

رد: سؤال عن تركيب الباور لل 128
 

طيب اولا اتاكد ان الكوتش مظبوط على 28 بدل ما تكون بتصرف وفلاخر تطلع حاجة تافها لان الكوتش لو كان نايم بيتقل الدركسيون جامد واة هقولك حاجة لازم لازم لازم ودة اكيد ان تكون الطارة تقيلة علشان انت لسة مغير العلبة والبارات دة طبيعة انهم يكونوا تقال بس انت حاول تروح لواحد بتاع عفشة يخفهم وقولى انت عندك كام سنة

رد: سؤال عن تركيب الباور لل 128
 

انا اشرف 32 سنه من الهرم ولسه شارع العربيه واللى كان راكبها مهمل جدا وانا تقريبا غيرت كل حاجه معادا الموتور والهيكل.وزهقت جدا وكرهت اركب العربيه كل ماعمل حاجه يطلع حاجه غيرها.
وممكن سؤال تانى انا عاوز اخلى شكل العصالون شبابى لانه زباله جدا من صاحبها الاول
عاوز اعرف مكان وسعر الكونسول اللى بيركب فيه الكاسيه والشرايط والعدادات اللى بتنور وبتركب فى القايم امام السائق
شكرا