|
لو معايا 1000 جنية وعايز أعمل عدة صوت.... ينفع ؟؟
ياجماعة بعد إذنكم أنا عندي عربية فيرنا فيراني 2008 ومعايا 1000 جنية وعايز أعمل عدة صوت صغيرة على قدي كده يكون صوتها نقي ولو عليت الصوت مش يقفش ويبوظ مش طمعان في أكتر من سماعتين بايونير أو كينوود ( الأحسن أيه مش عارف ) وصب ووفر أو بازوكا ( كام وات وأيه نوعهم برضو مش عارف ) وجي إم كويس يشغل الأتنين ( نوعه أيه برضو مش عارف ) ولو اتبقى فلوس اركب شماستين بس مع حساب الأستاند اللي هيركب فيه السماعتين ياريت حد يساعدني ويقولي أشتري أيه بالظبط وياريت كمان لو تعرفوا حد كويس بيركب الحاجات دي عشان اروحله ياريت تقولولي مين ومكانه فين ملحوظة : أنا من القاهرة ( شبرا مصر ) |
رد: لو معايا 1000 جنية وعايز أعمل عدة صوت.... ينفع ؟؟
انا عندى واحد صحبى كان زيك كدا وجاب سمعتين كينوود دبل بيز مش فاكر كام وات بس كانت ب 550 جنية على ستاند ورا وجاب جى ام كينوود ب 350 و سى دى كينوود mp3 كان ب 400 وكولو من محل فى سانت فطيمة فى مصر جديدة وصوت عندة حلو اوى
|
رد: لو معايا 1000 جنية وعايز أعمل عدة صوت.... ينفع ؟؟
ألف شكر ليك بس انا عايز صب ووفر أو بازوكا عايز أسمع بيز جاااااااامد سيبك من الكاسيت دلوقتي أنا بسمع الأغاني من الموبايل او الأم بي ثري بتاع الولاعة مؤقتاً بس أنا عايز أركب صب أو بازوكا ياريت الناس تقولي ايه الصح بالظبط |
رد: لو معايا 1000 جنية وعايز أعمل عدة صوت.... ينفع ؟؟
اقتباس:
والله الرد السابق ممتاز وأنا كنت هنصح حضرتك بيه, بس لأن السماعات قدرتها هتبقى عالية وصوتها هيبقى قوى جدا. أما لو عايز صب, ممكن تجيب أما بازوكا jbl بحوالى 600 الى 650 جنيه أو صب عادى كينوود 1200 وات أو بايونيير شامبيون ال 1400 وات, وده هيعمل من 320 الى 370 حسب المحل والصب اللى هتختاره, وتجيب صندوق ليه فى حدود 100 جنيه. الأمبليفاير بقى ممكن تجيب واحد قناتين وتركب عليه الصب مع السماعات القديمة وخلاص. أو تجيب واحد 4 قنوات وتركب الصب على قناتين وتجيب طقم سماعات قوى وتركبه على القناتين الباقيين, وطبعا هتسمع صوت خيالى, بس الميزانية غالبا هتزيد عن 1000 من طقم السماعات الزيادة. وعموما الصب هتحتاج أمبليفاير 400 وات أو أكثر قناتين ويتعملهم بريدج علشان يطلع ضعف القوة ويقوم الصب صح, وده هيبدأ من 370 جنيه وأنت طالع. ولو أمبليفاير 4 قنوات هيبقى أغلى شوية من مثيله القناتين, بس لو مع طقم سماعات 350 وات أو 400 وات هيعمل شغل جامد أوى. أسف على اللخبطة, بس أنا مش عارف أسعار الحاجة بالظبط دلوقتى علشان منزلتش من فترة. |
رد: لو معايا 1000 جنية وعايز أعمل عدة صوت.... ينفع ؟؟
اقتباس:
ياباشا ألف شكر على رد حضرتك بس في حاجات بصراحة انا مش فاهمها هل الأمبلفاير ده هو الجي إم ولا ده حاجة تانية وأنا كل اللي كنت بطلبه بس إني أركب سماعتين وصب أوفر او بازوكا ومش لازم تكون فوق الألف وات انا كنت سألت واحد بتاع سماعات بس مش متأكد منه قاللي ممكن تركب سماعتين كينوود أو بايونير وصب أوفر سيمفوني اللي هوة سماعة واحدة وجي إم كبير 4 تشانل وقاللي التكلفة مش هتعدي الألف جنيه ياترى الكلام ده سليم ولا أفكر في حاجة تانية |
| الساعة الآن 06:06 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017