مصر موتورز مجتمع السيارات - بسرعه قبل ما اروح صيانه ال5000 ؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - بسرعه قبل ما اروح صيانه ال5000 ؟؟؟؟؟؟ (https://www.masrmotors.com/vb/showthread.php?t=45298)

بسرعه قبل ما اروح صيانه ال5000 ؟؟؟؟؟؟

السلام عليكم
انا عندى كذا سؤال بس ضرورى تجاوبونى بسرعه قبل ما اروح صيانه ال5000
اولا : لو عايز ضبط زوايا مع صيانه الخمسه هل بدفع عليها فلوس ولا لأ ؟
ثانيا : العربيه اتخبطت من الرفرف الشمال قدام وكمان فيها كذا خربشه فى البويهه لو صلحتها بره هل العربيه تخرج من الضمان ولا لأ ولو صلحتها فى التوكيل الاسعار عمله ايه ؟
ثالثا : انا ملاحظ ان الغطاء بتاع الشنطه مش مظبوط مكانه يعنى جاى يمين شويه وكمان وش العربيه من قدام حول الفوانيس مش مظبوط قوى يعنى اليمين غير الشمال فهل لو قلتلهم على الحاجات ده العربيه بتاخد عندهم وقت ولا ايه ؟
شكرا واسف على الاطاله ويا ريت تساعدونى الله يخليكم انا رايح صيانه الخمسه يوم الخميس الجاى
وشكرا ليكم تانى
GIFT4U

رد: بسرعه قبل ما اروح صيانه ال5000 ؟؟؟؟؟؟

الف مبروك و ربنا يحميك من شرها
بالنسبه لضبط الزوايا حتتحاسب عليه في التوكيل و اسعاره غاليه
الافضل تشوف اي مركز بره نضيف تظبط الزوايا فيه
بالنسبه للدهان و السمكره لايخرج العربيه من الضمان
بالنسبه للفروقات اعتقد ان الضمان مش حيعملها لانها مسئوليتك اول ما استلمت العربيه
كان المفروض ما تشتريش غير لو العربيه سليمه

رد: بسرعه قبل ما اروح صيانه ال5000 ؟؟؟؟؟؟

اقتباس:

المشاركة الأصلية كتبت بواسطة ABDORME81 (المشاركة 331858)

السلام عليكم
انا عندى كذا سؤال بس ضرورى تجاوبونى بسرعه قبل ما اروح صيانه ال5000
اولا : لو عايز ضبط زوايا مع صيانه الخمسه هل بدفع عليها فلوس ولا لأ ؟

اولا مبروك علي العربية وربنا يديك خيرها ويكفيك شرها وبالنسبة لظبط الزوايا انتا متقولش العربية عايز اظبطلها زوايا علشان ميدفعوكش تمنها انتا لو العربية مش مظبوطه معاك قولهم العربية من ساعة ما استلمتها وهيه بتحدف معايا ولازم تحلو المشكلة ديه وقولهم في رجه علشان يرصصوا العجل بالمره ومش هدفع فيها جنيه
لان الموضوع ده انا مجربه كذا مره

ثانيا : العربيه اتخبطت من الرفرف الشمال قدام وكمان فيها كذا خربشه فى البويهه لو صلحتها بره هل العربيه تخرج من الضمان ولا لأ ولو صلحتها فى التوكيل الاسعار عمله ايه ؟

بالنسبة للخبطه مفيش اي مشكلة لو صلحتها بره لان مفيش ضمان علي البويا بتاعت العربية من الاساس وطبعا بره هيبقي ارخص من عندهم بكتير بس مش هيكون بنفس الكفأة بتاعتهم لانهم بيرجعوا العربية زي ما كانت واحسن ونصيحة ليك سيبها تاخد العين لان طالما انتا بتمشي في مصر هتشوف اللي عمرك ما شوفته

ثالثا : انا ملاحظ ان الغطاء بتاع الشنطه مش مظبوط مكانه يعنى جاى يمين شويه وكمان وش العربيه من قدام حول الفوانيس مش مظبوط قوى يعنى اليمين غير الشمال فهل لو قلتلهم على الحاجات ده العربيه بتاخد عندهم وقت ولا ايه ؟

بالنسبة للكبوت في فعلا ترحيله بتاع 1 سم وده في كل موديلات الفيرنا وملهاش حل ومش هيعملولك حاجه اما بالنسبة للشنطه فا ديه اول مره اسمع عنها بس بردك احب اطمنك انهم مش هيعملولك حاجه فيها

شكرا واسف على الاطاله ويا ريت تساعدونى الله يخليكم انا رايح صيانه الخمسه يوم الخميس الجاى
وشكرا ليكم تانى
GIFT4U

احنا اتشرفنا بيك يا زعيم والفيرناوية زادو واحد وربنا يوفقك ويديك خيرها ويكفيك شرها وياتري هتعمل صيانة الخمسه فين

رد: بسرعه قبل ما اروح صيانه ال5000 ؟؟؟؟؟؟

متشكر يا جماعه على زوقكم وسرعه ردكم عليا
وبالنسبه للصيانه انا عملت صيانه الالف فى قليوب واستريحت معاهم ومفيش زحمه اوى زى ابو رواش وان شاء الله هاعمل صيانه الخمسه فى قليوب برده
وشكرا جزيلا على اهتمامكم يا جماعه
GIFT4U

رد: بسرعه قبل ما اروح صيانه ال5000 ؟؟؟؟؟؟

اقتباس:

المشاركة الأصلية كتبت بواسطة ABDORME81 (المشاركة 331858)

ظبط الزوايا او الترصيص بفلوس

تكلفة ظبط الزوايا والتربيط 50 جم اما الترصيص ب50 جم للاربع عجلات

الصاج لافيه ضمان ولا حاجة عاوز تعملها اعملها بره بس المهم الراجل اللى حيشتغل يبقى نظيف

وبالنسبة للشنطة قولهم ده حقك وده عيب صناعة طالما العربية مااتخبطتش من ورا

والف الف مبروك وربنا يباركلك فيها ويديك خيرها ويكفيك شرها