ظبط زوايا للعجل الخلفى
 

السلام عليكم
لى استفسار بخصوص ظبط الزوايا
وانا راجع بالعربيه العجله اللى الشمال الخلفيه خبطت فى الرصيف خبطه بسيطه وبعدين لقيت العجله دخلت لجوه ناحية اليمين( يعنى كأنى محود الدركسيون جهة الشمال كأنها عجله أماميه )
وبعدين روحت للعفشجى فلقى ان مسمار المقص الداخلى ( مسمار الكرنك ) اتكسر
فجبت جلبتين ومسمار جديد وركبتهم ومع ذلك العجله برضه لسه زى ما هيه فروحت ليه تانى فقاللى روح ظبط زوايا فهل تظبيط الزوايا هى الخطوه الصحيحه ام ان المقص اتعوج

رد: ظبط زوايا للعجل الخلفى
 

لا فعلا اضبط زوايا وشوف ايه الوضع عند بتاع الزوايا وهو بردو هيقوللك عالمطلوب..... والله اعلم

رد: ظبط زوايا للعجل الخلفى
 

و برضه احتمال كبير جدا الجنط هو الى اتعوج
جرب ركب الاستبن و شوف هل العوجة راحت و لا لأ
لو راحت يبقى الجنط هو الى معوج
لو زى ما هى يبقى العيب فى العفشة

رد: ظبط زوايا للعجل الخلفى
 

رد: ظبط زوايا للعجل الخلفى
 

لازم بتاع الزوايا يكون متمكن ولا يجتهد كثيرا ً او يفتى
و بلاش يحاول يضبط الزوايا بتغيير اى مسامير بالمساعدين او المقصات بمقاسات اصغر ( اقل سمك ) لان الموضوع دة مش عملى
ولو - لا قدر الله - قلك ان فيها مشكلة اكبر من ضبط الزوايا يجيبها يبقى لازم تحتاج استعدال او حتى تغيير الجزء الغير سليم من العفشة لان وجود خلل بالزوايا بالعجلتين الخلفيتين بيأثر على تأكل غير منتظم للكاوتش على المدى البعيد