مصر موتورز مجتمع السيارات - هيونداى فيرنا ولا بروتون ساجا ؟ مانيوال

لو عايز نصيحة غالية اشترى عربية من العربيات الجامده اللى صاجها ناشف وجامد وظبطها وركبلها اوتوماتك كمان لو عايزوغير لها موتور كمان لو تحب هتلاقى نفسك صرفت اقل من سعر الكرتونة الجديدة اللى بتفكر تشتريها

الدليل على الكلام ده حصل امام عينى عربية 128 فرملت وكان وراها كيا سيراتوا عايز اقولك ان السيراتوا كانت ماشية بطئ موش بتجرى ولا حاجه
اللى حصل للكيا سيراتوا
الاكصدام على الارض وفانوس مكسور والشبكة معوجة ومخلوعة
العربية 128 محصلش ليها اى شئ من ورا مفيش الا خدتش بسيط فى الجلد الاسود اللى متغطى بية الاكصدام والعربية زى الفل

انا معايا اى 10 كنت بركن بين عربيتين المهم المكان كان ضيق فقولت موش مشكلة العربية تتحك احسن مركنها فى مكان بعيد وال فى الشارع الرئيسى والمرايا تتسرق او تتكسر
العربية وانا داخل لمست فقط فى اكصدام العربية اللى كانت على يمينى مع انى واخد بالى وداخل بالراحة لما نزلت لقيت المنطقة اللى فى الباب اليمين من تحت دخلت لجوا وعلشان اطلعا برا تانى
محتاجه سمكرى
طبعا انا كان معايا لادا قبل كده ومستحيل ان الموضوع ده يحصل فى صاج اللادا من حكة بسيطة

عايز اقولك ان انا ركبت اغلب موديلات الهيونداى والشيفورلية واغلب العربيات الجديدة ركبتها وسوقتها واغلبها لما بيكون فى مطب عالى شوية بتسمع صوت طقطقة موش مفهومة ومحدش عرف يحدد الطقطقة صوتها من فين بالظبطت

الخلاصة عربية موديل ال 80 لل 90 وتظبتها وتحط فيها كل الكامليات اللى انت عايزها افضل من الجديد 1000 مرة