انتا بتشترى سيارة (صينى) عشان هى كفاءة و لا ظروف اقتصادية؟؟؟
 

السلام وعليكم لاحلى ناس هنا كنت عايز اسال الناس الى اشتريت عربيية صينى او لسة بتفكر بصراحة هل انتا بتشترى عشان الظروف الاقتصادية وعربيية رخيصة و اهى تمشى الحال و خلاص ويلا على البركة و لا هى فعلا انتا بتشتريها عشان سمعت كل خير عليها وكفاءة وقطع متوفرة وكويسة وبتستحمل يعنى من الاخر هى دى فعلا العربيية الى كان نفسك فيها وهل انتا رادى بيها كاسيارة جامدة ولا لما تسد لما يتحسن الاخوال المادية وهل بعد ماشتريتها قولت ان الصناعة الصينية بجد بتنافس السوق العالم كل انواع العربييات و لا بتنافس الاسعار وخلاص وعدم الكفاءة وشكرا لكل الناس

رد: انتا بتشترى سيارة (صينى) عشان هى كفاءة و لا ظروف اقتصادية؟؟؟
 

ياريت الردود يااخوانى اصحاب السيارات الصينيه (what)

رد: انتا بتشترى سيارة (صينى) عشان هى كفاءة و لا ظروف اقتصادية؟؟؟
 

سؤال جميل جدا جدا
بص يا باشا
انا لما جيت اشترى
كان قدامى فنفس الرينج سيارات كتيرة
جاك الى 15 الى جبتها والافيو والاكسنت مانويال والفيات بونتوا ود
وكلهم نفس السعر تقفريبا
وقارنت دول طبعا مع عربيات صينى اخرى زى الbyd والاسبيرانزا
لكن السعر الدفوع فالعربية طبعا مش قثليل دة يجيب كل العربيات الى ذكرتها انا دى
المهم انى لقيت عربية واسعة جدا وخاماتها متميزة وشكلها رهيب وسعرها متميز
لاحظ ان السعر جة فالاخر لان كدة كدة انا هدفع نفس الفلوس يعنى مش استخصار ولا حاجة
طبعا مع الامكانيات والاوبشن المغرى فخدت قراراى واتوكلت على الله
بس نصيحة لاى حد خايف من الصينى بلاش تشترية
والف شكر على الموضوع الجميل دة يا باشا

رد: انتا بتشترى سيارة (صينى) عشان هى كفاءة و لا ظروف اقتصادية؟؟؟
 

اولا شكرا على هذا الموضوع الجيد
ثانيا لما جيت اشترى الشيرى A11 من اربع سنين كان موجود من فئتها الاكسنت العادة واللانوس ولكن الشيرى كانت فل اوبشن وبنفس السعر وهى فعلا جميلة وماعملتش معايا والحمد لله اى دقة نقص وثابتة على الطريق والصناعة الصينية الموجودة فى العربية حلوة فعلا وماركات عالمية مصنعة فى الصين(بوش وVDO) بس التوكيل والمستوردين بيجيبو قطع غيار درجة ثانية لكن الاصلى اللى فيها ممتازة وكفائه فعلا وانا مش ندمان انى اشترتها
GIFT4U

رد: انتا بتشترى سيارة (صينى) عشان هى كفاءة و لا ظروف اقتصادية؟؟؟
 

السيارات الصينى مش رخيصة علشان نقول ظروف الاقتصادية
انا لسه شارى byd f3 gli لما جيت اجبها كان امامى الساجا والفرنا واللانوس فى نفس الرينج
لقيت مميزاتها اكتر (واسعة فى الصالون والشنطة وارتفاعه عن الارض وكمان بقى امكانياتها)
ده غير كفاءتها فى السوق وخصوصا مع التاكسى وتوافر قطع الغيار لقيت هبقى غلطان جدا لما مشترتش السيارة الرائعه ديه والحمد لله هى معيا ذى الفل