مصر موتورز مجتمع السيارات - BYD F3 ولا سيارة حديثة إستعمال خفيف ؟؟

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - BYD F3 ولا سيارة حديثة إستعمال خفيف ؟؟ (https://www.masrmotors.com/vb/showthread.php?t=43318)

BYD F3 ولا سيارة حديثة إستعمال خفيف ؟؟

السلام عليكم و رحمة الله و بركاته
اخوتي الأفاضل أنا في حيرة و عايز أخد رأيكم لما عهدته منكم من أمانة في النصح بكل حيادية

أن كنت نويت اني اشتري BYD F3 زيرو بالتقسيط
بس الحمدلله ربنا كرمني بجمعية في الشغل فإنشاء الله المبلغ هيبقى معايا كاش و أبعد عن وجع دماغ التقسيط و حظر البيع و التأمين و الكلام دة

المهم حصل حاجة من 3 أيام كدا خلتني ابتدي أفكر بطريقة مختلفة ، واحد صاحبي كان عايز عربية بس كان مقتنع أوي باوبل استرا خصوصاً انها مع واحد صاحبنا و مشاء الله عليها ، المهم ربنا كرمه باوبل استرا موديل 2006 فبريقة برة و جوة عاملة 38 ألف كيلو أوتوماتيك ABS و airbags جبناها ب-65000 جنيه

دلوقتي أنا في حيرة ، هل أجيب BYD F3 زيرو و للعلم أنا مقتنع بها تماماً بس أنا بفكر في ال-resell ؟ ولا أجيب حاجة حديثة إستعمال خفيف زي مثلاً لانسر بومة أو اوبل استرا زي صاحبي مع تحفظي على مصاريف صيانتها اللي إلى حد ما مرتفعة ؟؟

المشكلة اني لو جبت مستعمل و طلع فيها حاجة عايزة تتغير مش هيبقى معايا ميزانية كبيرة للتصليح خصوصاً اني هابقى بسد في فلوس الجمعية

ياريت اللي يرجح أي إختيار يقول إيه الأسباب

و أنا أسف اني طولت عليكو

بالمناسبة أنا محتاج رأي الدكتور المناهري عشان هنا هي الطريقة الوحيدة اللي أعرف أوصله بها

رد: BYD F3 ولا سيارة حديثة إستعمال خفيف ؟؟

الصدفة قادتنى الى هذه الصفحة واستغربت انك عايز راى انا بالذات مع ان القسم ملئ بالجهابذة شرف لى وانا تحت امرك بالنسبة لقصة الاوبل استرا استعمال عربية محترمة ولكن مصاريف صيانة عالية ومستعملة وسعر اعادة بيع اقل من المطلوب رايت طبيبة معها اوبل فيكترا تحفة والشكل الجديد مع طبيبة وعرفت انها اشترتهاب45 الف مستعملة انا دقت مرارة القسط وجحيم المستعمل ولكن عندما اكتملت معى فلوس لاول مرة اشتريت ال BYD F3 اتوماتيك بدون تردد وقربت على 11 الف كيلو وانا اقسو عليها ولكن اوفيها حقها فى الصيانة وكل ماتتطلبه وهى سيارة ممتازة فى ادائها واعتماديتها العيب عندى الوحيد ان اوقات قليلة السحب الاوتوماتيك لا يعجبنى ومتضر للاوتوماتيك بسبب مرض قدمى ولكن السيارة جميلة ومبهرة فى المنظر الخارجى والتابلوه والخامات وانصحك بموديل GLI وموديل GLXI اذا توفر العفشة والموتور بعد التليين رائعين جدا والمانيوال سحبه رائع وسوف تعرف روعة السحب والثبات ميما بعد وياسلام وانت تعلو فوق المطب الصناعى بقوة واقتدار وتنزل من فوقه بثقة لوقرات مشاركة على السيراتو يصرخ احد الملاك بان السيارة طلعت اتين راكب لانه يضر الى نزول راكبين من السيارة اذا طلع على مطب عالى وهذه المشاركة على المنتدى والاريال مدمج فى الزجاج وصدقنى استهلاك البنزين خارج المدينة مدهش اذا سوقت السيارة على سرعة 100 كيلو متر اما اعادة سعر البيع فشطارة المشترى سوف يخفس باى ثمن لاى سيارة ولكن فى مشاركة على قسم الBYD هناك من يبحث عن سيارة مستعملة 2008 ولا يجد كان معى فى صيانة القطامية استاذة فى كلية الطب وكانت سيارتها لونها كحلى جميل كانت تتكلم عن سيارتها باعتزاز وقالت لى انها تملك سيارتين اخريين ولكنها لا تثق سوى فى ال BYD لانها تشعر بالثبات والثقة فى سيارتها وسالت احد الموجودين فى الصيانه انها سوف تذهب هى واولادها الى الاسكندرية هل تثق فى السيارة واجابها احد الموجودين بانه يذهب الى الاسكندرية مرتين اسبوعيا ويسوق على سرعة 180 كيلو والسيارة ذى الفل معاه صدقنى لم اجد فى صيانة الالف والخمسة الاف والعشرة الاف اى من مالكيها يشتكى من اى عيوب جوهرية كل الذى غيرته غير الفلاتر والزيت هو تيل الفرام الامامى وغيرته احتياطى لان الاوتوماتيك ياكل تيل اكتر وتمن التيل هو تيوتا ماركة HI-Q ثمانون جنيها اتكل على الله وصلى ليرشدك الله للخير لكن لوكنت مكانك لما ترددت فى شراء ال BYD F3 وشكرا جزيلا ومبروك مقدما

رد: BYD F3 ولا سيارة حديثة إستعمال خفيف ؟؟

الف مبروك عليك الbyd طلبت النصيحه من اهل الخبرة وقد اصبت الاختيار للاستاذ الفاضل المناهرى واتشرف ان اكون اول من يثق فيه وفى انتظار تقريرك فى bydROSE4U

رد: BYD F3 ولا سيارة حديثة إستعمال خفيف ؟؟

بدون إساءة أدب و النية خير إزاي الشخصية الرائعة دي تتوقف في منتدىANAA7TGANAA7TGANAA7T GANAA7TGANAA7TGANAA7TGANA A7TGANAA7TGANAA7TGANAA7TG ANAA7TGANAA7TGANAA7TG

رد: BYD F3 ولا سيارة حديثة إستعمال خفيف ؟؟

اقتباس:

المشاركة الأصلية كتبت بواسطة ahmed mustafa (المشاركة 316702)

الف شكر ياسيدى الكريم على كريم وصفك وطيب اخلاقك ولكن ياسيدى المنتدى الذى تكلمت عليه لايستطيع ان يحمى اعضائه ويتركهم عرضة للعابثين والمدميرين وعليك ان تتحلى بالصبر ومكارم الاخلاق الى ان يفيض صبرك لان الشخص الذى قدحته كان يدخل ليشوه سمعة الاعضاء والسيارة والتوكيل واذا تكلم احد كلمة حق فى صالح السيارة او ذكر حسنة من اداء التوكيل يتهمه هذا الصبى الغر بالعمالة وانه على علاقة بالتوكيل وصرنا اعضاء قسم ال BYD اصدقاءا وكنا نكن لبعضنا البعض المحبة والاحترام للابداع الذى صدر من اعضاء مميزين وللمقالات العامة واصبح القسم مشهور باعضاء لم يحويهم منتدى من قبل على راسهم استاذنا abojessy والكثير من عمالقة الفكر والاخلاق وبعد ان يساء الادب ضدنا من هذا العضو يفوق المنتدى مؤخرا لوقف هذا الغر ويرجع بعد دقائق باسم جديد ومكيدة جديدة ليحاول تدمير قسم ال BYD على هذا المنتدى وتتكرر هذه المسالة وسط مقالات الاعضاء وابداعهم ليعكر الصفو على الجميع الى ان اتى الوقت وعاملت هذا الشخص بالمثل وهنا تساوت الرؤوس عند مشرف القسم ونسى اننا نحن المتضررين وهو المتكاسل عن ازالة الضرر واصدر الامر بوقفى لمدة اسبوعين ولكن هذا لن يؤثرعلى فى شئ ولم اشا ان ادخل باسم اخر وبتسجيل اخر لنتعامل باخلاق الفرسان واترك اخلاق الجرزان للشخص الذى يحرص على استضافته الموقع الاخر ويكفينى صداقتكم ومحبتكم فهى اغلى من اى موقع ومن اى سيارة وتفضل بقبول احترامى