نداء الى كل الابيزاويه عايز النصيحه
 

السلام عليكم ورحمة الله وبركاته
ارجو النصيحه من اصحاب الخبره في الابيزا
عشان انا في حيره من امري
معروض عليا عربيه ابيزا موديل 2001 glx موتور 1000 سي سي
فابريكا بالكامل من الاكصدام للاكصدام (مافيهاش قلم بويه)
لونها نبيتي والعداد عامل 100 الف كيلو
والحاله العامه للعربيه ممتازه مافيهاش خربوش
صاحبها طالب 46 الف مايقلوش جنيه
ياترى السعر ده كويس ولا مبالغ فيه ؟
وياريت حد يقوللي رأيه في العربيه دي عموما من حيث الاداء وتوافر قطع الغيار واعادة البيع؟
وشكرا مقدما

رد: نداء الى كل الابيزاويه عايز النصيحه
 

هي العربية زي ما حضرتك بتقول فابريكة من الاكصدام للاكصدام بتعمل من 43000 ل 45000 جنيه وعموما العربية حالة فلو حالتها كويسة جدا وحضرتك كشفت عليها كويس وشايف انها مش محتاجة مصاريف فتوكل علي الله

رد: نداء الى كل الابيزاويه عايز النصيحه
 

جزاك الله كل خير ياباشا
بس ياريت حضرتك تقوللي رأيك في العربيه عموما من حيث الاداء وتوافر قطع الغيار واعادة البيع
عشان فيه ناس كتير مخوفاني منها بيقوللولي موتورها صغير وبتسخن كتير وقطع غيارها غاليه نار وتقيله في البيع
انا بصراحه العربيه عجباني بس كلام الناس مخليني متردد جدا (what)

رد: نداء الى كل الابيزاويه عايز النصيحه
 

ايه ده
كتير اوى عليها
ديه 1000 سى سى اخرها 35000 لو حلتها تمام اوى ممكن توصل 38
اه 1400 سى سى توصل الثمن ده
ANAA7TGANAA7TGANAA7TG

رد: نداء الى كل الابيزاويه عايز النصيحه