على رأي العفشجي"العربية دي فيها حاجة غريبة"
 

السلام عليكم ورحمه الله وبركاته
الي خبراء قيادة السيارات

لو تفضلتم علية فية سؤال

انا عندي فيرنا 2008 اوتو ومن ساعت ما اشترتها زيرو وكان فيها الدركسيون يروح لمين ولما يتمسك في النص العربية تمشي تمام
الكلام دة من 2.5 سنة
المهم انا حاليا غيرت جنوطها ب جنوط وكوتشات جديدة

وعملت التالي
ظبط زوايا كمبيوتر وترصيص( اشرفكو مدينة نصر )
وركبت معايا واحد بتاع عفشة(من نفس المركز ) وساق العربية قالي
"العربية دي فيها حاجة غريبة لان زوياها مظبوطة تمام كمبيوتر "
رجعنا تاني سوا المركز (وبدلنا الكوتشات اكس يعني X ) "مفيش فرق"
(فابدلنا اللي ورا حطناهم قدام) " مفيش فرق"
يعني (( عملتلها اللي ممكن يتعمل من ظبط زوايا محترم وكوتشات وجنوط جديدة))

المشكلة بالتحديد
لما الدركسيون في النصف العربية ماشية سيف
لما اسيبة يروح لمين والعربية معاة " يمين فقط مش مرة يمين ومرة شمال علشان انا عارف انة كدة يبقي عيب مساعد معووج"
ورغم كدة كشفت علي المساعدين تمام سلام

""زمان قبل ما اغير الجنوط كنت بحط هوا زيادة درجتين في الكاوتشة اليمين عن الباقي ""كانت العربية بتتظبط""
ومش عاوز اعمل كده في الكوتشات الجديدة علشان ده مش صح

لو المشكلة ملهاش حل
ممكن حد يدلني علي واحد معرفة يكون جامد يكشف عليها عاشر مرة؟؟
هل المشكلة دي مشكلة الفيرنا كلها؟؟
هل تغيير المسعدين والسست ممكن يحلها ؟؟

السلام عليكم ورحمه الله وبركاته

رد: على رأي العفشجي"العربية دي فيها حاجة غريبة"
 

الله اعلم بس ياريت تتاكد من اتجاه الكاوتش لانه بيكون مرسوم عليه اتجاه , وممكن يكون المساعدين بس حضرتك شيكت عليهم , فممكن تحاول تظبط زوايا عند حد تاني وتجرب وربنا يسهل وياريت لو وصلت لحاجه تبلغنا

رد: على رأي العفشجي"العربية دي فيها حاجة غريبة"
 

للاسف (( لسة نفس الموضوع ومش عارف اية الحل ))

رد: على رأي العفشجي"العربية دي فيها حاجة غريبة"
 

ممكن ارتفاع اليايات مش متساوى وخصوصا اليمين حط كف ايدك بين العجلا والرفرف بالطول وقس الارتفاعت الاربعة ولازم يكونوا قد بعض لان لو فى ياى تعبان حيعمل مده وطمنا وانا متابع معاك

رد: على رأي العفشجي"العربية دي فيها حاجة غريبة"
 

ما تتعبش نفسك
انا معايا فيرنا برضه ونفس الموضوع ولما سألت كانت الاجابة ان كل الفيرنا لا يمكن ان تظبط الزوايا 100 %