مصر موتورز مجتمع السيارات - .... ( عشــــان انـت مـصـــري ) ....

هذه قصيدة للشاعر الكبير أحمد فؤاد نجم
والقصيدة بعنوان:-

<o:p></o:p>

عشان انت مصرى عشان انت مصرى<o:p></o:p>

لازم تعانى وتفقد كرامتك بكل المعانى <o:p></o:p>

وتحرق فى دمك سنين مش ثوانى<o:p></o:p>

واوعى تصدق كلام الاغانى<o:p></o:p>

بتاع الحضاره وكانى ومانى<o:p></o:p>

ده كله هجايص مايدخل ودانى <o:p></o:p>

عشان انت مصرى العذاب بيناديك<o:p></o:p>

بتبدا فى يومك حاجات بترازيك<o:p></o:p>

فى نومك فى قومك تعكنن عليك<o:p></o:p>

تضايقك ولسه العماص فى عينيك<o:p></o:p>

مافيش ميه تشطف صابونه فى ايديك<o:p></o:p>

وجسمك ملزق وريحتك عاديك <o:p></o:p>

فتلبس وتنزل وفيك اللى فيك<o:p></o:p>

<o:p></o:p>

ورايح لشغلك حتحتاج مواصله<o:p></o:p>

ادى المترو واقف وكهربته فاصله <o:p></o:p>

وفى الميكروباص خناقه وحاصله <o:p></o:p>

اوتوبيس فرامله عايزالها وصله<o:p></o:p>

وتوك توك ده تايه ومحتاج لبوصله<o:p></o:p>

بتوصل لشغلك بدم اتحرق <o:p></o:p>

فى زحمه وكتمه وحر وعرق<o:p></o:p>

رئيسك سيبلك كومة ورق<o:p></o:p>

ده غير دمغه ضايعه وملف اتسرق <o:p></o:p>

وفى كام مواطن عامللك قلق<o:p></o:p>

بيشكى تقول له روح اندعك <o:p></o:p>

وعركه وهوجه وشاى اندلق<o:p></o:p>

ومخك خلاص من الصداع اتفلق<o:p></o:p>

هترجع لبيتك ده لو كان فى بيت<o:p></o:p>

هتوصل هتندم ياريتك ماجيت <o:p></o:p>

مراتك بتصرخ خلاص استويت <o:p></o:p>

عيالك بتطلب وهات كيت وكيت<o:p></o:p>

تزعق تهاتى يا ناس اتهريت<o:p></o:p>

ولاحد سامعك مهما هاتيت <o:p></o:p>

عشان انت مصرى وده للاسف<o:p></o:p>

فلازم تاسى تعيش تتقرف<o:p></o:p>

وكل الاساسى فى حياتك ترف<o:p></o:p>

فتنسى الكرامه وتنسى الشرف <o:p></o:p>

وتسرق وتنصب او تنحرف<o:p></o:p>

ودمعك بيجرى وجرحك نزف<o:p></o:p>

وكل ده عشان انت مصرى؟؟؟<o:p></o:p>