مصر موتورز مجتمع السيارات - سؤال مهم الى الاخوة الفرناوية

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - سؤال مهم الى الاخوة الفرناوية (https://www.masrmotors.com/vb/showthread.php?t=40806)

سؤال مهم الى الاخوة الفرناوية

كلنا عارفين ان الفيرنا سيارة جميلة ولكنها واطية شوية على الارض وقد تعرضت لمطب صناعى حك فى السيارة من الاسفل فهل يمكن ان يؤثر ذلك على السيارة وما الاضرار المحتلة الحدوث فى هذا الموقف لاننى خايف ليكون قد ترك اثر على السيارة من الاسفل
وهل السيارة محمية من الاسفل لمثل هذه المواقف وما هى الاماكن التى يمكن ان تتضرر فى السيارة من الاسفل.ايه ياترى

رد: سؤال مهم الى الاخوة الفرناوية

ياباشا ماتخافش ده عادى وبيحصل مع اى عربية, لكن الحمد لله فى 80% من الحالات مبيحصلش حاجة.

طالما محستش بأى فرق فى سحب السيارة, أصوات غريبة أو تنقيط زيت أو مياه, يبقى الحمد لله الموضوع عدى على خير.

الحاجات اللى ممكن تتضرر هى أنثناء الشكمان أو قطع فى السوستة الخاصة به أو حتى وقوعه, خرم فى كارتيرة الزيت أو حتى أسفل الفتيس لو كانت الخبطة قوية كفاية, وغيره وغيره.

وللأسف عربياتنا العادية غالبا مفيهاش وسيلة تحميها من تحت, فيه عربيات بيبقى متركب تحتها لوح صاج يحمى بطن العربية من الخبطات والحكات, بس دى عربيات نادرة.

لكن الموضوع بيعدى ياباشا, أنا مرة خدت مطب العربية طارت بيه (لانوس) ونزلت سليمة, ربنا بيسهلها.

لكن لو حضرتك لسه قلقان, ممكن ترفع العربية فى بنزينة وتكشف عليها من تحت علشان تطمئن.

بس حضرتك بتقول حك بس, يعنى أكيد مأثرش على حاجة.

وألف سلامة على فيفىROSE4U.

رد: سؤال مهم الى الاخوة الفرناوية

مشكور اخى العزيز وربنا يسترها معانا