مصيبة....العربية مسربة زيييييييييييت
 

الحقوني ياشباب ..opel corsa 97... 94000km
انا لسة مغير زيت فيسكو 3000 من اسبوع ومغير فلاتر معاه وغسلت الموتور بالجاز ...المهم
كان في عرق زيت على الموتور كله قبل التغيير ومن عند الكرتيرة خليت الميكانيكي يحكم ربط الكرتيرة انا شكيت فيها لما شفت الزيت في المحطة وانا بشتري الزيت قالولي بلاش نغيرك زيت عشان حرام وروح للميكانيكي يغيرك جوان الكرتيرة الأول قبل متنزل الزيت القديم وتحط الجديد.المهم عملت زي ما قالولي
قلت لما افتح الكبوت النهارة واشوف اية الأخبار......اتصدمت وبلمت
لقيت زيت حوالين غطاء وش التاكيهات (الوش اللي مكتوب عليه كلمة اوبل ) ومن تحتيه كمان وعند المسامير اللي ربطاه ونازل على تحت عند بعد فحات البوجيهات وباين ان الزيت لونة لسة جديد

1- العربية سحبها كويس مش بتسقف مع الكبس
2- مفيش دخان من الشكمان ( دخان من غير لون )
3- البواجي نظيفة ولا مزيتة ولا سودا ...زي ماهيا جديدة
قلت اقرا كل المواضيع اللي في المنتدي بخصوص تسرب الزيت ففهمت مع ان اعبية مش بتدخن دخان ازرق والبوجيهات نظيفة ...يبقى المتهم جوان وش التاكيهات او احكام ربط الوش

افيدوني يا رجالة اعمل اية والعيب يكون اية؟؟؟ يارب يكون وش التاكيهات عاوز يتحكم عيله بس ميكون اكبر من كدة ، او جوان وش التاكيهات

وسامحوني على طول اموضوع

رد: مصيبة....العربية مسربة زيييييييييييت
 

فعلا ده العيب

مفيش غير كده

رد: مصيبة....العربية مسربة زيييييييييييت
 

يارب يكون هوا ...إن شاء الله هروح للميكانيكي في اقرب وقت ممكن
طب لو مطلعش الجوان ممكن يكون اية؟؟ عشان الميكانيكي ميشتغلنيش

رد: مصيبة....العربية مسربة زيييييييييييت
 

مفيش حاجه تانيه بأه

غير أنك تكون مش رابط غطاء الزيت كويس

الغطاء اللى بتغير منه الزيت

اللى جنب كلمة أوبل

أو الغطاء فيه مشكله أساسا ( مشروخ مثلا )

رد: مصيبة....العربية مسربة زيييييييييييت
 

فعلا الموضوع بسيط جدا وغالبا هيكون بسبب جوان غطا التاكيهات ..

وممكن يكون اللى حط لك الزيت وقع منه شوية زيت على وش الموتور ...

يعنى بسيطة جدا والجوان ده تمنة حوالى 30 جنية بالكتير ...