مصر موتورز مجتمع السيارات - عربيتى اتفتحت و اتحركت من مكانها !!! ياترى ازاى عشان منظلمش حد

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

عربيتى اتفتحت و اتحركت من مكانها !!! ياترى ازاى عشان منظلمش حد

السلام عليكم
كل سنه وانتم طيبين
وعيد اضحى سعيد عليكم و على الامه الاسلاميه

دلوقتى يا جماعه عربيتى كانت مركونه فى الجراج و اتنقلت من مكانها من أفقى الى رأسى او العكس وللتوضيح نبدأ القصه
النهارده التلات يوم السبت بليل الميكانيكى جابلى العربيه على الجراج كان بيظبط فيها شويه حاجات المهم شيكت عليها وقفلتها و مشيت و سيبتها الحد و الاتنين فى الجراج بس واضح انها كانت راكنه قافله على مكان فاضى المفروض بيستغل فى الركن المهم روحت النهارده التلات وانا راجع من الكليه اسخن العربيه
لقيتها اتنقلت من مكانها فى الاول متضايقتش و تقبلت الموضوع لانها فى الجراج و متصانه بعد كده ببص على الباب اللى جنب لاسواق من جوه عندى زرار بيقفقل العربيه كلها لقيته ساقط جوه الباب و شويه و لقيت الزجاج بتاع الكرسى اللى جنب السواق برده مش بيتحرك هوا الاول كان تقيل شويه بس المره دى وقف خالص لما سألت اللى ماسك الجراج قالى انه لقى باب السواق مفتوح فدخل و حاول مع الدركسيون و الناس زقيته و نقلها من مكانها بس انا شاكك انهم حاولوا يفتحوا الباب اللى جنب السواق لان دلوقتى زرار التحكم فى العربيه اللى بيقفلها واقع جوه الباب والزجاج مش بيتحرك علما بأنى لما استلمتها من الميكانيكى الزجاج ده باذات جربته
السؤال بقى هل هما فعلا فتحوا الباب اللى جنب السواق و نتيجه لكده الزرار سقط و الزجاج وقف ولا ممكن يكون باب السائق كان مفتوح مع انى فاكر انى قفلته و كد هيشككونى فى نفسى
ودى صوره توضيحيه
http://http://www10.0zz0.com/2010/11.../727795450.jpg
ولو الرابط مش شغال انا حطيت الصوره فى المرفقات المهم فى تلات ازرار
الزر رقم 1 : ده المسؤل عن قفل كل العربيه او فتحها و طبعا احنا بنتكلم عن الباب اللى جنب السواق
الزر رقم 2 وده اللى بيرفع الزجاج و ينزله
الزر رقم 3 و ده اللى بيسوجر الباب ده بس او يفتحه وهو فى باقى العربيات بيبقى عند الزجاج و بيطلع لفوق ينزل لتحت لكن هنا شكله متختلف
هل بعد عرض الصوره اللى حصل حصل نتيجه فتح الباب بأى وسيله ترتب عليها الزر سقط و الزجاج وقف وهل ممكن افك انا المسامير و ا ثبت الزرار فى مكانه بنفسى لانى الصراحه اتخنقت من انى اودى العربيه للميكانيكى او الكهربائى دى بتقعد معاهم اكتر ما بتقعد معايا
ملحوظه : انا الميكانيكى بتاعى اشك انه دايما بيجيب العربيه فى مشكله تافهه و ترجعله تانى هل ممكن يكون الزر ساقط اساسا من الاول و انا اللى مخدتش بالى
بس برده لما الميكانيكى جابها الزجاج كان شغال دلوقتى واقف
فى الاول و فى الاخر الموضوع عدى و احنا مش عايزين نظلم حد بس عايز اعرف السبب الحقيقى

رد: عربيتى اتفتحت و اتحركت من مكانها !!! ياترى ازاى عشان منظلمش حد

يا جماعه ياريت حد يرد و يفيدنى برأيه انا تعبت وانا بعمل الموضوع ورفعت كمان صوره عشان اوضح
وعايز اعرف افك انا البتاعه الموجود فيها الزرار و اركبه فى مكانه و اربط مساميرها تانى ولا بلاش؟ السواق بتاعنا كان دايما بيعملها بنفسه

رد: عربيتى اتفتحت و اتحركت من مكانها !!! ياترى ازاى عشان منظلمش حد

اقتباس:

يوم السبت بليل الميكانيكى جابلى العربيه على الجراج كان بيظبط فيها شويه حاجات

أكبر خطأ أنك تسيب عربيتك بمفتاحها مع ميكانيكى

وبالتالى من الوارد جدا

تكون العربيه بتتساق فى أوقات عدم تواجدك بالمنزل

ببساطه شديده

ممكن يتعمل مفتاح على المفتاح وهى مع الميكانيكى

ونقل السياره من وضع أفقى لوضع رأسى

بيدلل على أن العربيه دارت فى غيابك

طيب دارت أزاى والمفروض أنت معاك المفتاح

رد: عربيتى اتفتحت و اتحركت من مكانها !!! ياترى ازاى عشان منظلمش حد

اقتباس:

المشاركة الأصلية كتبت بواسطة samirayad (المشاركة 280746)

لا يا استاذ سمير حضرتك مش فاهم سايس الجراج هوا اللى حركها لانها كانت قافله على مكان ياخد بتاع عربيتين و الجراج كان زحمه بس هوا بيقولى انه لقى باب السواق مش مسوجر راح دخل و اتعامل هوا مع الدريكسيون والكام واحد زقوه وغير مكانها بس انا بعد كده اكتفت زر القفل اللى واقع جوه الباب اللى جنب السواق و الزجاج اللى مش بيترفع فهل بقى ممكن يكون فتح الباب اللى جنب السواق بوسيله ما و نتيجه لذلك الزر رقم 1 الموضح بالصوره وقع والزجاج وقف فى الباب ده ؟؟؟ ولا حتى لو فتحه صعب الزر يقع من مكانه ؟
وهل بأمكانى أفك المسامير و ارجع الزر مكانه و اربط المسامير تانى زى ما السواق كان بيعمل ولا بلاش؟

رد: عربيتى اتفتحت و اتحركت من مكانها !!! ياترى ازاى عشان منظلمش حد

اقتباس:

وهل بأمكانى أفك المسامير و ارجع الزر مكانه و اربط المسامير تانى زى ما السواق كان بيعمل ولا بلاش؟

لو تعرف .............جرب وحاول