مميزات وعيبوب الباور ستيرنج
 

ما هي مميزات وعيوب البارو ستيرنج

رد: مميزات وعيبوب الباور ستيرنج
 

اكيد لة مميزات مش عيوب وهى ان طارة الدركسيون بتكون خفيفة جدا فى ايدك حتى لو فى وضع الثبات او بتحاول تركن مش بتحتاج اى مجهود وبتلف الطارة بصوابعك بس متهيالى لو فى عيب فى الباور ستيرنج العيب الوحيد ممكن يكون فى السرعات العالية مفترض ان الباور يفصل والدركسيون يكون عادى انما لو ما فصلش زى العربيات الـ النترا انا اسمع صراحة بس مش متاكد انة مش بيفصل

رد: مميزات وعيبوب الباور ستيرنج
 

لا الالنترا عندى وبيفصل بس فى الموديلات الحديثة صلحوها انا عندى 2011 بس فى عيب ان لو فية مشكلة فى الكهربة الدريكسيون بيعوز اربع رجالة عشان يلفوة.

رد: مميزات وعيبوب الباور ستيرنج
 

مميزات الباور ستيرنج :
- سهولة القيادة, حيث يسهل على السائق ادارة العجلات بأقل مجهود ممكن.

عيوب الباور ستيرنج :
- انخفاض دقة التوجيه, أدق نظام للتوجيه معروف هو الجريدة و البنيون بدون باور ستيرنج (ال128 مثلا), الباور ستيرنج يحد من قدرة السائق على التوجيه.
- تحميل جهد على المحرك, مما يعنى انخفاض قدرته التى تخرج الى العجلات, الباور ستيرنج الهيدروليكى يعمل من خلال مضخة زيت تعمل مع المحرك, و بالتالى تقتطع جزءا لا بأس به من قدرة المحرك النهائية,
- فى الباور الكهربائى تم حل مشكلة التحميل على المحرك جزئيا, حيث لا يقتطع الباور قوة المحرك الا فى حالة لف المقود فقط فيقوم مساعد كهربائى بالعمل و التحميل على المحرك, ثم يتوقف عن العمل.
- زيادة التعقيد فى منظومة التوجيه, و بالتالى زيادة الأعطال و صعوبة الصيانة.

رد: مميزات وعيبوب الباور ستيرنج
 

الحقيقة أنا مش شايف عيوب للبور ستيرنج. أنا مش من النوع مفتول العضلات. وبسوق الماتركس بكل سهولة والدريكسيون بيكون سهل فى الحركة أما عربية الوالد فهى فيات 124 ومفهاش بور ستيرنج لما تلف الطارة بتاع الدريكسيون تكون زى اللى بيعمل تمارين الصباح. برضوا التكنولوجيا حلوة، حتى ولو مكلفة أو صيانتها مكلفة. أعتقد إن الباور ستيرج مش له أعطال كبيرة وخطيرة أو مكلفة