التكيف بااااااااااظ
 

السلام عليكم ورحمه الله وبركاته

السيارة دايو جوليت

التكيف عندى باظ للاسف ....... عندى كام سؤال بس احكى المواقف الاول بعد ما التكيف فصل

1- روحت لبتاع التكيفات كشفلى على الفريون قالى تمام و كشف على الكمبروسر قالى تمام قالى هى المشكله فى كهربه العربيه روح لكهربائى يشوفلك فين القفله ديه و شكلك حاتغير البوكس بتاع الفيوزات و ضفيرة و كلام كتير كدة

2- روحت للكهربائى قالى دة الفيوز ساح هات واحد تانى 30 موش 10 و قد كان جبت الفيوز و التكيف اشتغل تمام بعد يومين فصل تانى روحت للكهربائى قالى لا روح لبتاع التكيفات تانى قولو الكمبروسر فاصل

3- روحت لبتاع التكيفات (دة غير الاولانى) كشف على الفريون قالى تمام (بردو) كشف على الكمبروسر شغال قالى العيب عندك فى موبينه الكمبروسر هى اللى بتاخد كهربه كتير و بتعمل قفله قالى لازم تتغير نجيب موبينه للكمبروسر (بصراحه انا موش عارف ايه موبينه الكمبروسر ديه؟)

4- سألت الكهربائى على الكلام دة قالى لا دة اى كلام انت تجيب كمبروسر كامل احسلك و ركبه

معلش طولت عليكم

السؤال

1- انا اجيب كومبروسر و لا موبينه الكمبروسر ؟

2- لو حد يعرف اسعار الحاجات ديه بس اكيد استيراد ؟


وشكرااااااااا............ ..............

رد: التكيف بااااااااااظ
 

الكمبروسور الأستيراد فى حدود 300 ج مثلا

والجديد فى حدود 1600 ج

رد: التكيف بااااااااااظ
 

شكرا يا جميل على الرد بس انت شايف ان انا اجيب كومبروسر استيراد ولا اعمل الفكرة التانيه بتاعه موبينه الكهرباء ديه؟ انهى احسن؟؟؟؟؟؟

رد: التكيف بااااااااااظ
 

موضوع البوبينا والكلام ده كله خرط

خليك فى كمبروسور كامل

أفضل ليك ....وأأمن ليك

___________________

على فكره ممكن تسأل بتاع التكييف

وتقوله ممكن تغيرلى بلية كلاتش الكمبروسور بتاعى

لأن ممكن تكون البليه وحشه

وهى إللى عامله حمل كهربى وبتبوظ فيوز الكلاتش كل مره

دا لو كان آداء دورة التكييف معاك كويس أساسا

بس العيب فى الحمل بتاع الكمبروسور

إللى بيحرق فيوز الكلاتش كل شويه

والعيب ده بيكون سببه ( بلية الكلاتش )

مش الموبينا ( زى مابيقولولك )

رد: التكيف بااااااااااظ
 

شكرا يا جميل على ردك

بص يا جميل هو الراجل طلعلى بتاعه مدورة كدة من عندو قالى زى ديه بتكون راكبه فى الكومبروسر قالى هى ديه اللى عايزة تتغير لانها بتحمل كهرباء زيادة و بالتالى بتعمل قفله فا ممكن يكون قصدة على الكلاتش دة وبيقول عليها موبينه ؟؟؟؟؟؟؟؟؟