حياتك اهم ولا الخوف من اللجنه والكمين اهم ؟؟؟؟
 

ياجماعه نصيحه اخويه لكل البايكرز والدرايفرز
لو سمحت لو مش في امكانياتك تشتري سيفتي كامل ياريت علي الاقل تشتري خوذه اوريجينال
بجد ياجماعه احنا في مصر عايشين حاله من الاستهتار بحياتنا
والناس بتبقي ماشيه بالموتوسيكلات اللي لابس حاجه غريبه كده فوق دماغه كده عامله زي الكاب واللي لابس خوذه صيني ب 35 جنيه واللي لابس نضاره بس واللي مش لابس خالص واللي معاه خوذه ومعلقها في الموتوسيكل
ياجماعه فكروا لو لاقدر الله حصل حادثه هيجرالك ايه؟؟؟؟؟
ولا احنا معلقينها في الموتوسيكل عشان خاطر اللجان والمرور وبس........
نيجي للبشاوات اصحاب الريسينج بايك ياعم الحاج اقرص علي نفسك في قرشين وانزل هاتلك طقم سيفتي محترم ودي اسعار السيفتي المحترم والوقائي
1- Helmet
خوذه تكون اوريجنال وتكون حاصله علي ال DOT او الSnell حاجه مثلا زي agv سعرها يبدا من 2600 جنيه مصري
2-Vest Armor
ستره وقائيه للصدر والظهر معا واحسن حاجه نقدر نجيبها هي منتج شركه ICON ودي سعرها يبدا من 900 جنيه مصري.
3- Field Armor Elbow Guard
وده واقي للذراعين وسعره يبدا من 600 جنيه مصري.
4- Field Armor Knee/Shin Guards
واقي للركبتين ودي مهمه جداااااااااااا وسعرها يبدا من 850 جنيه مصري.
5- boots
وده ممكن تجيب حاجه جامده اوي من مكان قريب لينا كلنا هي مش ماركه اه لكن حاجه متينه جدا وشيك في نفس الوقت ممكن تنزل شارع الجمهوريه وتشتري البوت من عند محلات بيع ملابس الاطفاء والامن الصناعي الجزمه شيك جدا وسيفتي اوي وتمنها 110 جنيه


دي ياجماعه جزء من السيفتي المهم المطلوب وياريت مش نستغلي تمنه ونحاول نوفر تمنه ونشتريه لانه ضروري جداااااااااااااااااا

رد: حياتك اهم ولا الخوف من اللجنه والكمين اهم ؟؟؟؟
 

شكرا علي النصيحه
هو فعلا السيفتي مهم جدا و لازم المرور يشدد علي الزي المناسب للريس

رد: حياتك اهم ولا الخوف من اللجنه والكمين اهم ؟؟؟؟
 

رد: حياتك اهم ولا الخوف من اللجنه والكمين اهم ؟؟؟؟
 

ههههههههههههههههههههههههه ههه
اطمن ياباشا فيVest Armor تحت الجاكت وانا عندي أل Gloves بس مش بعرف البسه عشان انا مدخن بشراهه وكل شوية بقف ادخن فا بيضايقني دايما وكمان لما باجي انقل اغنيه بالاي فون مش بينفع لازم اخلعه

رد: حياتك اهم ولا الخوف من اللجنه والكمين اهم ؟؟؟؟
 

تسلم ايدك ياباشا على النصايح الغالية