|
عندى مشكلة فى a516 وعايز مساعدتكم
اولا العربية لسة جديدة معايا وعملة 8000 كم والعربية ممتازة بس فى كام حاجة مضايقانى جدا وهى :
ظهرت رعشة خفيفة جدا جدا فى الموتور وبتزيد سنة بسيطة مع التكييف ولما روحت التوكيل قالولى العربية زى الفل مافيهاش حاجة وروحت تانى وتالت ورابع يكشفولى عليها بالكومبيوترويقولو مافيش حاجة وسألت ميكانيكى معرفة قالى العربية مية مية مافيهاش الهوا بس انا حاسس ان فيها حاجة بس مش عارف اية هى فعايز الخبراء بتوع المنتدى يقولولى اعمل اية ؟؟؟؟؟؟؟؟؟؟؟؟؟؟؟؟؟؟؟ |
رد: عندى مشكلة فى a516 وعايز مساعدتكم
أنا خبرتى الشخصية القليلة بتقول أن الموضوع ده غالبا من البنزين اللى حضرتك بتستخدمه ,قبل أى حاجة لازم حضرتك تجرب بنزينة تانية وتفول مرتين ورا بعض ببنزين أوكتانه أعلى, بعد منستبعد ده ندخل بعد كده على البوجيهات والفلاتر والرشاشات وقواعد الموتور:)
لأ بجد حضرتك جرب بنزينة تانية وبنزين أعلى وبأذن الله الموضوع هيتحل. |
رد: عندى مشكلة فى a516 وعايز مساعدتكم
انا كان عندي نفس المشكلة
اتحلت لما نضفت الرشاشات نضف الرشاشات وان شاء الله هتتحل |
رد: عندى مشكلة فى a516 وعايز مساعدتكم
بالضبط زى ما الأخوة أفادوك
مشكلة بنزين أو ممكن تكون العربية خلصت بنزين والشوائب عملتلك مشكلة فى الرشاشات والحل أطلع على أحمد مهران وخليه ينظف الرشاشات ،،، أعتقد عنده أسبراى لتنظيف الرشاشات وممكن تشترى الأسبراى من التوفيقية قبل ما تروحله حتلاقى نوعين كويسين جداً ..... أبرو - أرمورول |
رد: عندى مشكلة فى a516 وعايز مساعدتكم
اقتباس:
أن شاء الله ربنا يكرمك ويباؤكلك في عربيتك ويطلع فعلاً مفيهاش حاجة ولك مني اطيب تحية ROSE4U |
| الساعة الآن 08:21 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017