مصر موتورز مجتمع السيارات - الماتور والراديو

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - الماتور والراديو (https://www.masrmotors.com/vb/showthread.php?t=35892)

الماتور والراديو

مساء الخير//

فى حاجة غريبة فى عربيتى الماتركس 2001 لاحظت إنه عند تدوير المحرك ويكون الراديو شغال أجد أن الراديو يقف حتى يتم تشغيل الماتور. إى إن تشغيل الماتور يجعل الراديو يقف لثانية حتى يتم تشغيل الماتور ثم يعود للعمل من جديد. هل هذا طبيعى؟؟؟؟

رد: الماتور والراديو

ده طبيعى فى كل العربيات عشان الكهربة بتتحول للماتور عشان يتدور بعد كده تتوزع تانى على أجزاء العربية حتى جرب شغل النور العالى و دور

رد: الماتور والراديو

متشكر تيوتا. أنا أفتكرت إن العربية عندى بطاريتها ضعفت وخاصة إن اللمبة بتاعت البطارية نورت فى التابلوا. ولكن مادام العربيات كلها بتقطع صوت الراديو فى لحظة تدوير الماتور يبقى الواحد يطمن شوية

رد: الماتور والراديو

اقتباس:

المشاركة الأصلية كتبت بواسطة tham1010 (المشاركة 254081)

متشكر تيوتا. أنا أفتكرت إن العربية عندى بطاريتها ضعفت وخاصة إن اللمبة بتاعت البطارية نورت فى التابلوا. ولكن مادام العربيات كلها بتقطع صوت الراديو فى لحظة تدوير الماتور يبقى الواحد يطمن شوية

لمبة البطارية لازم تنور قبل ماتدور بتكة, مع عدة لمض تانية زى لمبة التشيك والزيت.

البطارية مبتقدرش تدور الموتور وفى نفس الوقت توفر الطاقة لباقى الأجهزة اللى شغالة, سواء النور أو الكاسيت أو حتى الولاعة, فالكهرباء بتفصل عنهم لثوانى على مالموتور يدور وترجع تانى.

والموضوع ده عادى فى كل العربيات ومافيش فيه أى مشكلة.

رد: الماتور والراديو

منور ياعمر باشا. وحشنا لية من مشاركاتك الحلوة.... الحقيقة حكاية النور بتاع البطارية دى قلقنى أنا عامل مشاركة مخصوص عليها فى كهرباء السيارات. يا ريت تشارك فيه برايك الراجح الفاهم