|
افيدونى لو سمحت عن العربيةBrilliance FRV
ايه هى المواصفات الفنية للسيارة
وايه رأيكم فيها وانا سمعت ان موتورها موتور الميتوبيشى لانسر 1600 وشكلها حكاية وسعرها كمان واللى بيقوم بتوزيعها المجموعة البافارية اللى بتوزع البى ام دبليو واسمع ان شركة بى ام دبليو مشاركة فى تصنيعها ايه رأيكم وانها انتاج ايطالى المانى صينى مشترك؟.......ارجو الافادة قبل ما اشتريها... |
رد: افيدونى لو سمحت عن العربيةBrilliance FRV
ممكن تكون إنتاج صعيدى بلدى سمك لبن تمر هندى ptmnlo123per145
يا سيدى الفاضل السيارة صينى من الألف إلى الياء و تجميع البافارية و ه لا يمت ل بى إم دبليو بأى صلة ptmnlo123per1146 و إلا كانت تبقى الأكسنت تجميع غبور تقرب للمازدا اليابانى اللى توكيلها مع غبور برده. ممكن تشوف ريفيوهات الناس عنها على موقع كونتاكنت كارز تحت الإعلان الموجود عنها لآن اللى كاتب الريفيو بيقول إنه شافها. أما نتيجة الإشاعات و الفتاوى من عينة اللى حضرتك سمعته و كتبته هنا فهيا مطروحة ب 68 ألف جنيه بالحجز و وصلت عند الموزعين ل 75 ألف جنيه من غير ما حد يشوف العربية أو يجربها ptmnlo123per1116 و ربنا يلطف بينا من الشائعات و التهويل و الذى منه معلش انا آسف نسيت أرحب بيك فى المنتدى. .ptmnlo123per111 |
رد: افيدونى لو سمحت عن العربيةBrilliance FRV
انا طلب المواصفات الفنية مش اكتر يا ريت اى واحد فهم كلامى يوضح ويقلى والعربية فعلا انتاج صينى ايطالى المانى مشترك وموتورها موتور ميسوبشى 1600 واللى مش مصدق يكلم خدمة عملاء الشركة البافارية انا كلمتهم 19269/16626 ده اة ده ....ولا احنا بنهاجم وخلاص وكل واحد بيفتى
|
رد: افيدونى لو سمحت عن العربيةBrilliance FRV
اقتباس:
طيب طلاما حضرتك متضايق اوى من رد ابو عبدالرحمن ما انت كاتب ارقام البافاريه ممكن تسألهم على كل اللى انت عايزه او ممكن تروحلهم فى اى معرض وتشوف العربيه نفسها ثم هى فين بالمنطق العربيه اللى انتاج صينى( ايطالى المانى وموتورها موتور البومه ال1600) وهتبقى ب70 الف جنيه ده على اساس ايه بس ده انت لو شفت اى عربيه فيات صغيره هتلاقيها اغلى وطبعا البومه اغلى واكيد اكيد اكيد اكيد من هنا لبكره الصبح اى عربيه اللمانى هتبقى بأضغاف التمن ده يبقى العربيه الصينى دى موتورها يابانى (موتور اللانسر البومه) وانتاجها المانى ايطالى طيب كده الصين عملت فيها ايه بقى الجنوط والكاوتش يا ريت بس حضرتك تبحث كويس عن اصلها وبلاش الاشاعات دى مش زى الناس اللى شويه يقولو الاسبيرانزا الa516 موتور ميتسوبيشى(هى ميتسوبيشى مبتعملش حاجه غير انها تعمل مواتير لعربيات صينىptmnlo123per1127) وشويه وبقى بقدره قادر نفس موتور الاوكتافيا ال a4 وفى الاخر طلع ان الموتور موتور صينى وتصميمه نمساوى وتصنيعه وكل حاجه صينى |
رد: افيدونى لو سمحت عن العربيةBrilliance FRV
يا سيدى الفاضل انا اتصلت بالشركة البافارية فعلا قالولى قولتلهم بالحرف الواحد هى العربية صينى من الالف للياء قلولى لا الموتور ميتسوبيشى والصالون والتابلوه بورش المانى دى كل الحكاية انا بسأل على ان يا ترى حد يعرف مميزاتها او عيوبها ومش عارف ليه انتوا بتقولوا اشاعات هو انا صاحب مصنع برلينس ولا انا بقول سمعت لا ده انا متأكد من التوكيل بتاعها هو اللى بيقول كدة كل الحكاية عايز اعرف اكتر عن حد استخدمها او شفها.....ptmnlo123per1106
|
| الساعة الآن 06:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017